پاکستان تحریک انصاف (پی ٹی آئی) نے بانی 'عمران خان کے خاندان' کے خلاف مہم چلانے پر موسیقار سلمان احمد کی رکنیت ختم کردی ہے۔

سلمان احمد نے میں 26 نومبر کے مظاہروں کے دوران عمران خان کی اہلیہ بشریٰ بی بی کی سیاسی سرگرمیوں پر تنقید کرتے ہوئے ایکس پر پوسٹ کی تھی جس پر پارٹی کے حامیوں کی جانب سے تنقید کی گئی تھی۔

'خود امریکا میں بیٹھا ہے' سلمان احمد کی ٹوئٹس پر عمران خان برہم

بانی پی ٹی آئی نے اڈیالہ جیل میں صحافیوں سے گفتگو کی

گزشتہ ہفتے، عمران نے، اڈیالہ جیل میں عدالت کے بلائے جانے کے بعد صحافیوں سے گفتگو کے دوران، سابق خاتون اول کے خلاف بے بنیاد الزامات لگانے پر گلوکار پر طنز کیا تھا، اور ان کی ایکس پوسٹس کو 'احمقانہ' قرار دیا تھا۔

پی ٹی آئی کے مرکزی سیکریٹریٹ کی طرف سے ایک روز قبل جاری کردہ ایک نوٹیفکیشن میں موسیقار کو مخاطب کرتے ہوئے کہا گیا تھا کہ وہ سوشل میڈیا پر 'غیر ضروری اور مضحکہ خیز پوسٹس' کے ذریعے پارٹی کے اراکین اور حامیوں میں 'مسلسل تقسیم اور عدم اطمینان کے بیج بونے کی کوشش کر رہے ہیں۔'

نوٹیفکیشن میں کہا گیا کہ 'سلمان احمد کی بنیادی رکنیت ختم کر دی گئی ہے اور انہیں فوری طور پر پارٹی سے نکال دیا گیا ہے، آپ سے مزید کہا جاتا ہے کہ کبھی بھی پی ٹی آئی کے ساتھ کوئی وابستگی ظاہر نہ کریں۔'

پی ٹی آئی کے چیئرمین بیرسٹر گوہر علی خان کی جانب سے جاری کردہ نوٹیفکیشن میں مزید کہا گیا کہ پی ٹی آئی کور کمیٹی کی جانب سے جاری کردہ پریس ریلیز کے ذریعے پارٹی نے سلمان احمد کو کہا تھا کہ وہ قابل اعتراض پوسٹس کرنے سے باز رہیں، اس کے باوجود انہوں نے عمران کی ہدایات کی خلاف ورزی جاری رکھی۔ 

پی ٹی آئی میں عمران خان کی جگہ کون لینا چاہتا ہے؟

مسلم لیگ کے بڑے نام پی ٹی آئی میں شامل ہونے کے خواہشمند

اعلامیے میں مزید کہا گیا کہ پارٹی نے خود کو ان کے طرز عمل سے الگ کر لیا ہے اور انہیں اس کے نتائج سے خبردار کیا ہے۔

خیال رہے کہ سلمان احمد طویل عرصے سے پی ٹی آئی کے حامی تھے، وہ اکثر پارٹی کی تقریبات میں گانے گاتے تھے،2022 میں انہیں عمران کا کلچرل فوکل پرسن مقرر کیا گیا تھا۔

2016 میں، انہیں اسلام آباد پولیس نے عمران کی بنی گالہ رہائش گاہ کے باہر مختصر طور پر اس وقت حراست میں لے لیا جب وہ عمران خان سے ملاقات کے لیے جا رہے تھے۔