بالی وڈ اداکار سونو سود کے چہرے کے خدوخال کا موازنہ اکثر 70 کی دہائی کے جوان امیتابھ بچن سے کیا جاتا ہے، بعض انٹرنیٹ صارفین تو سونو سود کو امیتابھ بچن کا کھویا ہوا بیٹا بھی قرار دے دیتے ہیں۔

دلچسپ بات یہ ہے کہ صرف مداحوں کو نہیں بلکہ بالی ووڈ کی خوبرو اداکارہ اور امیتابھ بچن کی بہو ایشوریا رائے کو بھی سونو سود کو دیکھ کر اپنے سسر امیتاب بچن یاد آجاتے ہیں۔

سونو سود بیمار بھارتیوں کی آخری امید بن گئے

بھارتی اداکار سونو سود گزشتہ کچھ سالوں سے اپنی عوام کے سب سے بڑے مسیحا بن کر سامنے...

یہ انکشاف خود سونو سود نے ایک انٹرویو کے دوران کیا، اداکار نے معروف بالی وڈ فلم 'جودھا اکبر' کے سیٹ پر پیش آنے والا ایک دلچسپ واقعہ سنایا۔

اداکارہ ایشوریا رائے اور اداکار سونو سود نے فلم ہدایت کار آشوتوش گواریکر کی فلم 'جودھا اکبر' میں بھائی بہن کا کردار ادا کیا تھا، 2008ء میں بننے والی اس فلم کے بعد سے ایشوریا رائے باقاعدگی سے سونو سود کو ہر رکشا بندھن پر راکھی باندھتی ہیں۔

اپنے انٹرویو میں اداکار سونو سود نے بتایا کہ فلم 'جودھا اکبر' کی شوٹنگ کے دوران اداکارہ ایشوریا رائے سیٹ پر موجود تھیں، وہ میرے پاس آئیں اور کہا کہ 'آپ کا چہرہ دیکھ کر مجھے امیتابھ بچن یاد آتے ہیں'۔

ابھیشیک کا ایشوریا کیلئے پروٹیکٹیو ہونا مداحوں کو بھا گیا

ایشوریا رائے کی سسرال والوں کے ہمراہ ویڈیو مداحوں میں مقبول

سونو سود نے کہا کہ 'مجھے یاد ہے ہمارا ایک سین چل رہا تھا جسکے دوران ایشوریا بات کرتے کرتے رک گئیں اور کہا 'آپ کو دیکھ کر مجھے پا (امیتابھ بچن) یاد آجاتے ہیں، تو میں نے انہیں کہا کہ ہاں یار مجھے معلوم ہے'۔

انہوں نے ایشوریا کی تعریف کرتے ہوئے کہا کہ 'وہ ایک خوبصورت شخصیت کی مالک ہیں اور وہ مجھے راکھی بھی باندھتی ہیں، وہ ایک بہترین کو-اسٹار ہیں، میرا پورے بچن خاندان کے ساتھ ہی بہت اچھا رشتہ ہے'۔

انہوں نے بتایا کہ 'میں نے ایشوریا کے شوہر ابھیشیک کے ساتھ فلم 'یووا' اور 'ہیپی نیو ایئر' جیسی فلموں میں کام کیا ہے، علاوہ ازیں مجھے 'بڈھا ہوگا تیرا باپ' فلم میں امیتابھ بچن کے بیٹے کا کردار ادا کرنے کا بھی اعزاز حاصل ہوا، وہ سب بہت اچھے لوگ ہیں اور مجھے اُن سب کے ساتھ کام کرنے میں مزہ آیا'۔