پاکستانی خوبرو اداکارہ کنزہ ہاشمی کی معروف ریپر و گلوکار انجم کے ساتھ ریمپ واک سب کی توجہ کا مرکز بن گئی۔

کنزہ ہاشمی جہاں اداکاری کی دنیا میں شہرت کے آسمان چھوتی دکھ رہی ہیں وہی میوزک خاص طور پر ریپ کی دنیا میں عالمی شہرت یافتہ طلحہ انجم کو بھی ہر کوئی جانتا ہے۔

برائیڈل کٹیور ویک میں شوبز ستاروں کے جلوے

شوبز حسیناؤں نے اسٹیج پر جلوے بکھرادیے

حال ہی میں دونوں اسٹارز ایک ساتھ برائیڈل کٹیور ویک پاکستان کے برائیڈل فیشن شو میں ایک ساتھ ریمپ پر حسن کے جلوے بکھیرتے دکھے۔

تین روزہ فیشن شومعروف ڈیزائنرز کے لیے سب سے زیادہ مقبول ریمپ بن چکا ہے کیونکہ برائیڈل ویک نے کئی باصلاحیت فیشن ڈیزائنرز کو اپنے تخلیقات ایک باوقار پلیٹ فارم پر پیش کرنے کا موقع فراہم کیا ہے۔

20 دسمبر سے 22 دسمبر تک جاری رہنے والے اس فیشن شو میں پاکستان کے کئی مشہور اداکاروں اور اداکاراؤں نے شرکت کی اور اپنے ڈیزائنرز کے شاہکار کو خوبصورت انداز میں پیش کیا۔

کنزہ ہاشمی نے اس یادگار کی تصاویر فوٹو اینڈ ویڈیو شیئرنگ ایپ انسٹاگرام پر شیئر کیں جن میں دونوں ایک دوسرے کے ساتھ دلکش پوز دیتے دکھ رہے ہیں۔

کنزہ ہاشمی اس فیشن شو میں معروف فیشن ڈیزائنر منیب نواز کیلئے واک کی جہاں وہ طلحہ انجم کا ہاتھ تھامی نظر آئیں اور دونوں کو ایک ساتھ دیکھ کر فینز نے تعریف کے پُل باندھ دیے۔

علاوہ زیں طلحہ انجم اپنے فنِ گلوکاری سے فیشن شو میں سماں باندھتے دکھے جس کے ساتھ کنزہ ہاشمی کی دلکش ادائیں توجہ کا مرکز بنتی دکھیں۔

واضح رہے کہ یہ جوڑی اچانک کسی فیشن ڈیزائنر نے نہیں بنائی بلکہ دونوں نے حال ہی میں ایک فلم میں ساتھ کام کیا ہے جس کا نام 'کٹر کراچی' ہے۔

طلحہ انجم کی ڈیبیو فلم 'کٹر کراچی' ریلیز

فلم کا پریمیئر 19 اور 20 دسمبر کی درمیانی شب ہوا

’کٹر کراچی‘ میں طلحہٰ انجم کے ڈیبیو کے علاوہ اداکار عمران اشرف اور اداکارہ کنزیٰ ہاشمی پہلی بار ایکشن میں دکھائی دیے۔

’کٹر کراچی‘ کا پریمیئر 19 اور 20 دسمبر کی درمیانی شب ہوا، جس کے بعد فلم کو سینما گھروں کی زینت بنا دیا گیا۔