بھارتی ریاست مہاراشٹر کے شہر ناگپور میں واقع سینما گھر میں تامل فلم 'پشپا 2' کی اسکریننگ کے دوران ایک حقیقی صورتحال کسی فلم کا منظر پیش کرنے لگی جب فلم بینوں کے درمیان بیٹھے مفرور گینگسٹر وشال میشرم کو پولیس نے گرفتار کرلیا۔

بھارتی میڈیا کی رپورٹس کے مطابق قتل کے 2 کیسز اور منشیات کی اسمگلنگ کے متعدد الزامات میں مطلوب وشال میشرم گرفتاری سے بچنے کیلئے 10 ماہ سے پولیس کو چکمہ دے رہا تھا۔

پُشپا 2 پریمیئر: اللو ارجن خاتون کی ہلاکت کے سبب گرفتار

پُشپا 2 پریمیئر میں خاتون ہلاک، اللو ارجن حیدرآباد میں گرفتار

پولیس نے بتایا کہ وشال میشرم 10 ماہ سے فرار تھا اور بالآخر حال ہی میں ریلیز ہونے والی فلم 'پشپا 2' میں اس کی دلچسپی کے بارے میں پولیس کو معلوم ہونے کے بعد اُس کا سراغ لگایا گیا۔

اس گینگسٹر کے خلاف مجموعی طور پر 27 مقدمات درج ہیں جن میں قتل اور منشیات کی اسمگلنگ کے علاوہ پُرتشدد واقعات میں ملوث ہونے جیسے الزامات بھی شامل ہیں، حتیٰ کہ وہ ماضی میں پولیس پر حملے بھی کر چکا ہے۔

ان الزامات کے باوجود وشال میشرم کئی مہینوں تک پولیس کی گرفت سے بچنے میں کامیاب رہا، بالآخر اللو ارجن کی فلم 'پشپا 2' دیکھنے کا شوق اس کی گرفتاری کا سبب بن گیا۔

پشپا2 پریمیئر میں خاتون کی موت، 3 افراد گرفتار

اداکار اللو ارجن کی متاثرہ خاندان کو 25 لاکھ روپے اور طبی اخراجات ادا کرنے کی پیشکش۔

پولیس نے سائبر ٹریکنگ اور اس کی نئی گاڑی کے ذریعے اس کا سراغ لگایا اور اس کے تھیٹر پہنچنے کے بعد اسے چاروں طرف سے گھیر لیا۔

فرار ہونے سے روکنے کے لیے پولیس نے سینما کے باہر کھڑی اس کی گاڑی کے ٹائر بھی پنکچر کردیے تھے۔

پولیس نے تصدیق کی کہ حال ہی میں ریلیز ہونے والی فلم 'پشپا 2' میں وشال میشرم کی دلچسپی کے بارے میں اطلاعات موصول ہونے کے بعد ہی اُس کا سراغ لگایا گیا۔

'اللو ارجن کو گرفتار نہیں کیا گیا' اداکار کی ٹیم کا نیا دعویٰ

اداکار کی گرفتاری کی تردید کے حوالے سے کوئی باضابطہ بیان تاحال سامنے نہیں آیا

وشال میشرم سینما ہال میں اللو ارجن کی پاور پیک پرفارمنس دیکھنے میں مگن تھا کہ اسی دوران پولیس نے پھرتی دکھائی اور کسی قسم کی مزاحمت کا راستہ دیے بغیر اسے باآسانی گرفتار کر لیا جسے دیکھ کر سینما ہال میں موجود دیگر تمام تماشائی دنگ رہے۔

پولیس نے بتایا کہ وشال میشرم اِس وقت ناگپور سنٹرل جیل میں قید ہے اور جلد ہی اس کے خلاف قانونی کارروائی کا آغاز کیا جائے گا۔