موسم سرما کی تعطیلات کا آغاز ہوچکا ہے جس کو انجوائے کرنے کیلئے لوگ طرح طرح کی سرگرمیاں تلاش کریں گے اور ان لمحات کو یادگار بنائیں گے، ایسے میں کئی لوگ گھومنے پھرنے کو ترجیح دیتے ہیں تو کچھ لوگ ایسے بھی ہوتے ہیں جو ان تعطیلات کو گھر پر سکون سے گزارنا پسند کرتے ہیں۔

تو آئیے ان افراد کیلئے ہم نے چند ایسی فلموں کا مجموعہ ڈھونڈ نکالا ہے جنہیں وہ موسم سرما کی تعطیلات اور کرسمس کے موقع پر گھروں میں رہ کر دیکھنے کا لطف اٹھاسکیں گے۔

رواں سال ولدیت قبول کرنے والے بالی وڈ اسٹارز کون؟

ان جوڑوں نے اس سال اپنے گھر ننھے مہمان کو خوش آمدید کہا

کیونکہ کرسمس کی تعطیلات میں جب باہر یخ بستہ ہوائیں چل رہی ہو اور اندر گرم کمبل اور ہاٹ کوکا کے ساتھ بیٹھ کر کوئی دل کو خوش کر دینے والی فلم دیکھی جائے، تو وہ لمحے بہت خاص بن جاتے ہیں۔ چاہے آپ کا دل ہنسی مذاق سے بھرنا ہو، محبت کی کہانیاں دیکھ کر دل کو سکون ملنا ہو یا پھر ایڈونچر اور جادوئی دنیا میں کھو جانا ہو، یہ موسم فلموں کے ذریعے آپ کو ہر وہ تجربہ فراہم کرتا ہے جس کی آپ کو ضرورت ہوتی ہے۔

تو آئیے ان ایڈونچر فلموں پر نظر ڈالتے ہیں جنہیں آپ ضرور کرسمس کے موقع پر دیکھا پسند کریں گے۔

دی گرنچ:

سال 2018 میں ریلیز ہونے والی فیملی کامیڈی فلم ’The Grinch’ کی بات کریں تو یہ ایک ایسی فلم ہے جو کرسمس کی چھٹی کا مزہ دوبالا کردے گی، اس فلم کی کہانی ایک ایسی تھیری ڈی کریچر پر مبنی ہے جو سبز رنگ کا ہے اور ہووِلے میں رہتا ہے۔

لیکن کرسمس سے شدید نفرت کرتا ہے، اور اسی نفرت کی آگ میں جلتے ہوئے وہ دیگر لوگوں کی چھٹیاں بھی خراب کرتا ہے لیکن اس دوران اس کا سامنا ایک ایسی لڑکی سے ہوتا ہے جسکی معصومیت اور کرسمس کو انجوائے کرنے کا انداز گرنچ کا دل پگھلا دیتا ہے۔

پہاڑوں سے محبت پر مجبور کردینے والی 5 نیٹ فلیکس فلمیں

نیٹ فلیکس پر موجود یہ 5 فلمیں آپ کو پہاڑوں کی طرف لے جائیں گی

کہانی میں آگے چل کر گرنچ اسی لڑکی سے کرسمس کا حقیقی مفہوم بھی سیکھتا ہے۔جبکہ پوری کہانی میں مزاح ، ہنسی اور دوستی کا ملا جلا عنصر فلم بینوں کی توجہ سمیٹتا نظر آتا ہے۔

یاد رہے کہ ’ہووِلے ’ کوئی مقام نہیں بلکہ ایک ایسا خیالی شہر ہے جو مصنف تھیوڈور سوس گیسل کے ذریعے تخلیق کیا گیا، جنہیں ڈاکٹر سوس کے نام سے جانا جاتا ہے۔

دی پولر ایکسپریس:

اگر آپ ٹرین کی سواری کے شوقین ہیں تو اس ویکیشن پر "دی پولر ایکسپریس" کو اپنی واچ لسٹ میں شامل کرلیں کیونکہ یہ صرف ایک ٹرین سواری نہیں ہے بلکہ یہ آپکو جادوئی مہم کیلئے شمالی قطب پر لے جاتی ہے۔

رپورٹ کے مطابق سال 2004 میں ریلیز ہونے والی فلم ’دی پولر ایکسپریس’ کی کہانی ایک ایسے بچے کے بارے میں ہے جو  ایمان، دوستی اور کرسمس کے جادو کے بارے میں سیکھنے کی جستجو رکھتا ہے۔

اس فلم کی لازوال اور بے مثال کہانی کیساتھ خوبصورت انیمیشن اور دل کو چھو لینے والے لمحات نہ صرف بچوں کی توجہ سمیٹنے کیلئے کافی ہیں بلکہ بڑوں کے لیے بھی ایک شاندار انتخاب بناتے ہیں۔

اسقاطِ حمل سے گزرنے والی بالی وڈ اداکارائیں

ان جوڑوں نے پیدائش سے قبل ہی اپنے بچوں کو کھودیا

کہاجاتا ہے کہ یہ فلم خود میں جادو تلاش کرنے کے بارے میں ہے جو یقیناً پر دیکھنے والوں کو پسند آئے گی۔

یاد رہے کہ پولر ایکسپریس ایک امریکی کمپیوٹر متحرک موسیقی کی فنانسسی فلم ہے جو رابرٹ زیمیکس کی ہدایت کرتی ہے۔ یہ ٹام ہینک کی طرف سے تیار کیا گیا تھا۔ یہ کتاب، پولر ایکسپریس پر مبنی ہے۔

علاوہ ازیں کمپیوٹر اینیمیٹڈ کرسمس فینٹسی ’دی پولر ایکسپریس‘ میں ہینکس کا سی جی آئی ورژن پیش کیا گیا تھا۔

فالن فار کرسمس:

جادو، اور کامیڈی کے بعد اگر آپ رومانوی کامیڈی فلموں کا بھی شوق رکھتے ہیں تو ’فالن فار کرسمس’ ایک بہترین انتخاب ہے۔

رپورٹ کے مطابق سال 2022 میں ریلیز ہونے والی یہ فلم میں ایک امیر خاتون کی کہانی ہے جو کرسمس سے چند دن پہلے اسکیئنگ کے دوران حادثے کا شکار ہوکراپنی یادداشت کھو دیتی ہے اور ایک چھوٹے سے شہر میں آ کر زندگی گزارنے لگتی ہے۔

خود کو ہی دوبارہ جنم دینے والے بالی وڈ اداکار کون؟

ان فنکاروں نے بیٹوں کی صورت میں خود ہی دوبارہ جنم دیا ہے

تاہم یہاں آکر وہ ایک خوبصورت کیبن کے مالک کے گھر میں رہنے لگتی ہے جہاں اسے بیٹی کی طرح رکھا جاتا ہے اور اسے محبت اور ایک فیملی کا پیار ملتا ہے۔

اس خاندان میں رہنے کے بعد یہ لڑکی محبت اور بے شمار خوشیوں کو دریافت کرتی ہےجو آپ کی کرسمس کو  خوشیوں سے بھر دیں گی اور آپ کے خاندان کے ساتھ کچھ شاندار یادیں تخلیق کریں گے۔

ہوم الون:

اب بات کریں سال 1990 میں ریلیز ہونے والی فیملی کامیڈی فلم ’ہوم الون’ کی تو یہ بھی ان فلموں کی فہرست میں شامل ہے جنہیں آپ کرسمس کے موقع پر دیکھ کر اپنی چھٹی کے دن کا لطف اٹھاسکتے ہیں۔

بلاشبہ یہ ایک ایسی فلم ہے جو برسوں گزرنےکے بعد بھی فلم بینوں کے ذہن کے اپنے نقوش چھوڑے ہوئی ہے۔اس فلم کی کہانی ایک ایسےلڑکے کے گرد گھومتی ہے جس کی فیلمی چھٹیاں منانے گئی ہے لیکن وہ لڑکا نادانستہ طور پر گھرمیں ہی رہ جاتا ہے۔

صنفِ آہن پر بنی سال 2024 کی بالی وڈ فلمیں

یہ وہ فلمیں ہیں جنہیں ایک بار ضرور دیکھنا چاہیئے

اب پورے گھر میں اکیلے رہنا اس چھوٹے لڑکے کیلئے ایک غیر معمولی تجربہ تھا کیونکہ گھر خالی دیکھنے کے بعد چور داخل ہوجاتے ہیں جسے وہ چھوٹا لڑکا مزاحیہ انداز میں چوروں کو چکما دیتا نظر آتا ہے۔

اور بچے کی مزاحیہ اداکاری ہی مزاح اور تعطیلات کے جذبے کے حسین امتزاج سے بھرپور اس فلم کو ہر عمر کے لوگوں میں پسندیدہ بناتی ہے۔

تو پھر دیر کس بات کی یہ فلمیں آپ کے کرسمس کو خاص بنانے کا بہترین طریقہ ہیں۔ چاہے آپ ہنسی، رومانوی یا دل کو خوش کرنے والی کہانیاں چاہتے ہوں، یہ فلمیں ہر کسی کے لیے کچھ نہ کچھ پیش کرتی ہیں۔