جان ابراہم نے اپنے کیرئیر کی شروعات فلم ’جسم‘ میں ایک رومانوی ہیرو کے طور پر کی تھی ، جس کے بعد انہیں فلم ’دھوم‘ میں منفی کردار ادا کرنے پر شہرت ملی۔

جان ابراہم کا شمار بالی وڈ کے ان اداکاروں میں ہوتا ہے جو ہر کردار میں ڈھل جانے کے لیےمانے جاتے ہیں، ان کے زبردست فیشل ایکسپریشن ، ان کی مسکراہٹ اور مردانہ وجاہت پر ہر کوئی فدا ہے۔

اداکار نے ’فورس‘، ’مدراس کیفے‘، ’راکی ہینڈسم‘، ’پرمانو‘، اور ’باٹلہ ہاؤس‘ جیسی فلموں میں کام کیا ہے، حال ہی میں انہوں نے سدھارتھ آنند کی ہدایت کاری میں بننے والی شاہ رخ خان کی فلم ’پٹھان‘ میں ایک منفی کردار ادا کر کے ناظرین کا دل جیت لیا۔

جان ابراہم نے پان، تمباکو کی تشہیر کرنے والے اداکاروں کو للکار دیا

یہ عمل موت بیچنے کے مترادف ہے، اداکار

اب ذرائع سے معلوم ہوا کہ جان ابراہم مشہور بھارتی پولیس افسر راکیش ماریا کی زندگی پر بننے والی بایوپک میں ان کا کردار ادا کرنے جا رہے ہیں۔

راکش ماریا کی زندگی پر بننے والی اس فلم میں ان کے 1993 کے ممبئی بم دھماکوں، زویری بازار دھماکے اور 26/11 کے حملوں کو حل کرنے کی کہانی کو پیش کیا جائے گا۔

راکش ماریا ممبئی پولیس کی تاریخ کے سب سے مشہور افسران میں سے ایک ہیں کیونکہ انہوں نے 1981 سے 2017 تک اپنے دورمیں ممبئی میں ہونے والے متعدد دہشت گردانہ حملوں کے پیچھے موجود مجرموں کو پکڑنے کے مشن میں کلیدی کردار ادا کیا۔

جان ابراہم نے اپنے پاکستانی فین کو خاص تحفے سے نواز دیا

جان ابراہم کا پاکستانی فینز کیلئے خاص محبت کا اظہار

جان ابراہم  اس کردار کو نبھانے کے لیے پرجوش ہیں اور وہ سمجھتے ہیں کہ یہ فلم راکیش ماریا کی قوم کے لیے خدمات کو خراج تحسین پیش کرے گی۔

پولیس تھرلر فلم فی الحال اسکرپٹنگ کے مرحلے میں ہے اور اسے بھارتی سنیما کے ایک بڑے فلمساز ڈائریکٹ کریں گے، اس فلم میں دہشت گردوں کو پکڑنے کے طریقہ کار کو دکھایا جائے گا کیونکہ راکیش ماریا کے کام کرنے کا ایک مخصوص طریقہ تھا جس سے وہ تمام کیسز حل کرتے تھے۔

جان ابراہم بھی اس فلم کو ڈیولپ کرنے کے عمل میں شامل ہیں اور اسکرین پر سب سے مشہور پولیس افسر کا کردار ادا کرنے کے لیے پُرجوش ہیں۔

فلم میں راکیش ماریا کے ڈی سی پی سے ڈائریکٹر جنرل آف ہوم گارڈز بننے کے سفر کو دکھایا جائے گا، اس کے علاوہ جان ابراہم کے پاس ریلیز کے لیے دو مزید فلمیں تیار ہیں،دنیش ویجن کی پروڈکشن ’تہران ‘اور بھوشن کمار کی پروڈکشن ’ڈپلومیٹ‘ اگلے سال ریلیز کی جائیں گی۔