پاکستانی اداکارہ عروہ حسین نے بالی وڈ اسٹارز کے ساتھ لی گئیں یادگار تصاویر سوشل میڈیا کی زینت بنا کر سب کی توجہ حاصل کرلی۔

'میری لاڈلی' ، ' نیلی زندہ ہے' ، 'اُڈاری' اور 'میری شہزادی' جیسے ڈراموں میں بہترین اداکاری کے جوہر دکھانے والی اداکارہ عروہ حسین کی ایک وجۂ شہرت معروف گلوکار فرحان سعید بھی ہیں جو انکے شوہر ہیں۔

شادی کی سالگرہ، عروہ اور فرحان کا گاتے ہوئے وعدہ کرنا وائرل

فرحان اور عروہ نے موسیقی کیساتھ شادی کی سالگرہ منالی

عروہ حسین اور فرحان سعید نے سال 2016 میں شادی کی اور 3 جنوری 2024 کو اسٹار جوڑی کے ہاں بیٹی کی پیدائش ہوئی۔

عروہ حسین ان دنوں اپنی بیٹی کے ساتھ وقت گزارنے اور اس کی پرورش کرنے میں مصروف ہیں جسکی وجہ سے ٹی وی اسکرینز سے دور ہوگئی ہیں لیکن سوشل میڈیا پر متحرک رہتی ہیں۔

عروہ حسین نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جو عالمی شہرت یافتہ گلوکار و قوال راحت فتح علی خان کی محفلِ موسیقی کی تصاویر اور ویڈیوز پر مبنی ہے۔

اس پوسٹ میں شامل ایک ویڈیو میں راحت فتح علی اپنے فنِ گلوکاری کا مظاہرہ کرتے دکھ رہے ہیں جبکہ دیگر تصاویر میں عروہ حسین کہیں مرر سیلفی لیتے ہوئے اپنا دلکش لُک کیمرے کی آنکھ میں قید کرتی دکھیں تو ایک ویڈیو میں انہوں نے تقریب میں شرکت کرنے والے مہمانوں کیلئے تلی جانے والی جلیبی دکھائی۔

عروہ اور ماورا طویل عرصے بعد پھر والدین کے ساتھ

عروہ اور ماورا کی فیملی فوٹوز میں محبت ہی محبت

دیگر تصاویر میں عروہ حسین کے ساتھ جہاں پاکستانی اداکارہ مہوش حیات کو دیکھا گیا وہیں بالی وڈ ستارے بھی سیلفیز میں نظر آئے۔

عروہ حسین کی ویویک اوبرائے کے ساتھ لی گئی تصویر سب کی توجہ کا مرکز بن چکی ہے جبکہ ایک سیلفی میں عروہ اور مہوش حیات کے عقب میں بالی وڈ اداکار و ہدایتکار بونی کپور کو بھی پوز دیتے دیکھا جاسکتا ہے البتہ اسٹار جوڑے ادیتی راؤ حیدری اور سدھارتھ بونی کپور کے ساتھ بیٹھے ضرور ہیں لیکن دونوں ایک دوسرے میں بھی گم ہیں۔

ویویک نے برسوں پہلے کرینہ کو کالج میں کس مشکل سے نکالا؟

ویویک اور کرینہ فلمی دنیا سے قبل کہاں ملے؟

پاکستانی فنکاروں کی بالی وڈ ستاروں کے ساتھ ہونے والی یہ ملاقات فینز کی جانب سے بے حد پسند کی جارہی ہے جس کی وجہ اکثر و بیشتر راحت فتح علی خان ہی بنتے ہیں۔

دلکش تصاویر یہاں دیکھیں: