ہالی وڈ کی مشہور اداکارہ نکول کڈمین نے حال ہی میں اپنی ریلیز ہونے والی ’بےبی گرل‘ میں ایک ایسی خاتون کا کردار ادا کیا ہے جو اپنی عمر سے کم عمر لڑکے سے معاشقہ لڑاتی ہے۔

فلم کی کہانی رومی(نکول کڈمین) کے گرد گھومتی ہے جو ایک کامیاب سی ای او ہیں اور اپنے کیریئر اور خاندان کو خطرے میں ڈالتی ہیں جب وہ سیموئیل نامی ایک انٹرن کے ساتھ تعلقات قائم کرتی ہیں اور وہ ان سے بہت چھوٹا ہے۔ رومی اور سیموئیل کا کردار نکول کڈمین اور ہیرس ڈکنسن نے ادا کیا ہے، بے بی گرل کی کاسٹ میں ان کے ساتھ انتونیو بینڈیرس، ایسٹر روز میکگریگر اور صوفی وائلڈ بھی شامل ہیں۔

2024 میں بالی وڈ کے کن ستاروں نےہالی وڈ میں ڈیبیو کیا ؟

ہالی وڈ میں بالی وڈ کے کئی مایہ ناز اداکار کام کرچکے ہیں

ایک انٹرویو میں فلم ڈائریکٹر رین نے کڈمین اور ڈکنسن کے عمر کے فرق کا دفاع کیا اور یہ دلیل دی کہ بڑی عمر کی خواتین کو کم عمر مردوں کے ساتھ ڈیٹنگ کرتے ہوئے دیکھنا معمول بننا چاہئے، انہوں نے کہا کہ ہر عورت کے مختلف قسم کے تعلقات ہوتے ہیں، رین کے مطابق بڑی عمر کی خواتین کے کم عمر مردوں کے ساتھ تعلقات کو مکمل طور پر معمول کے مطابق سمجھا جانا چاہیے

ان کا کہنا تھا کہ اگر ہم کوئی فلم دیکھتے ہیں جس میں مرد اداکار اور خاتون اداکار کی عمر برابر ہو، تو ہمیں یہ عجیب نہیں لگتا، عمر کے فرق کو تبدیل ہونا چاہیے اور خواتین کے مختلف قسم کے تعلقات ہونے چاہئیں۔

بریڈ پٹ کے بعد ٹام کروز کی بیٹی نے بھی والد کا نام ترک کردیا

18 سالہ سوری نے سوری نویل کے نام سے گریجویشن کی ڈگری حاصل کی۔

حقیقی زندگی میں نکول کڈمین کی عمر 57 سال ہے اور ہیرس ڈکنسن کی عمر 28 سال ہے، یعنی ان دونوں کے درمیان تقریباً 30 سال کا فرق ہے۔

یہ فرق فلم کی ریلیز سے پہلے بحث کا ایک اہم موضوع رہا، خاص طور پر اس لیے کہ بڑی عمر کی خواتین کو کم عمر مردوں کے ساتھ ڈیٹنگ کرتے ہوئے دکھانے کا رجحان فلموں میں عام ہوتا جا رہا ہے۔

کڈمین نے 2024 کی ایک اور فلم ’اے فیملی افیئر‘ میں زیک ایفرون کے ساتھ کام کیا، جو ان سے 20 سال چھوٹے ہیں۔

ڈائریکٹر نے فحش حرکتیں کرنے کا مطالبہ کیا، ریبل ولسن کا ہوشربا انکشاف

زیادہ وزن کو برقرار رکھنے کے بہت سارے پیسے ملتے ہیں

’بے بی گرل‘ کی ریلیز کے بعد یہ واضح ہو گیا کہ  نکول کڈمین بڑی عمر کی خواتین کے کم عمر مردوں کے ساتھ تعلقات کو فلموں میں شامل کرنے کو معمول بنانا چاہتی ہیں۔

بے بی گرل اور اے فیملی افیئر دونوں کی ریلیز کے بعد، یہ واضح ہے کہ نکول کڈمین بڑی عمر کی خواتین کے کم عمر مردوں کے ساتھ تعلقات کے نئے ہالی وڈ رجحان میں سب سے آگے ہیں۔