‘بھول بھلیاں‘ میں روح بابا کے کردار سے مشہور بالی وڈ اداکار کارتک آریان نے اپنا ریلیشن شپ اسٹیٹس واضح کرتے ہوئے سنگل ہونے کی وجہ سے بھی پردہ اٹھادیا۔

مردانہ وجاہت کے حامل اور فنکارانہ صلاحیتوں سے لبریز اداکار کارتیك آریان کا شمار انڈسٹری کے ورسٹائل فنکاروں میں کیا جاتا ہے جنہوں نے بہت کم عرصے میں نہ صرف انڈسٹری میں نام کمایا بلکہ اپنی فین فالوونگ میں بھی حیران کن اضافہ کرلیا۔

اور شاید یہی وجہ ہے کہ کارتک آریان کے ایسی بھی ڈائی ہارٹ مداح موجود ہیں جو انہیں اپنا کرش قرار دیتے ہیں لیکن اداکار فی الحال سنگل ہیں اور اپنے اس ایرا کو خوب انجوائے بھی کر رہے ہیں۔

ڈیڑھ منٹ کا جھوٹ کارتک آریان کو ڈیڑھ سال پر بھاری پڑگیا

فلم چندو چیمپئن کیلئے کارتک آریان نے کونسا جھوٹ بولا؟

حال ہی میں کارتک آریان نے بھارتی میڈیا سے گفتگو کرتے ہوئے اپنے سنگل ہونے کی تصدیق کی اور ساتھ ہی مداحوں کی خوشی کے لیے بالآخر اپنی محبت کی زندگی کے بارے میں وضاحت دے دی۔

کوکی کے نام سے مشہور کارتک آریان کا ’زی رئیل ہیروز ایوارڈز 2024 ‘کے دوران خصوصی گفتگو کرتے ہوئے کہنا تھا کہ،’سو فیصد میں سنگل ہوں ، پوری طرح سنگل ہوں’۔

اسی انٹرویو میں جب اداکار سے پوچھا گیا کہ کیا انہیں  اپنی فلم ’پیار کا پنچنامہ‘ کے مشہور مونولاگ سے ککچھ متاثر کن لگا؟ تو کارتک نے ہنستے ہوئے انکار کر دیا اور وضاحت کرتے ہوئے کہاکہ،’میرا وقت فلموں میں جا رہا ہے، اس لیے وقت نہیں مل رہا اور یہ ایسا لگتا ہے کہ جیسے بار بار  آپ ایک ہی دفتر میں جا رہے ہیں۔’

50 کروڑ معاوضہ؟ کارتک آریان نے مزید دو نئی پراپرٹیز خرید لیں

افواہ ہیں کہ کارتک آریان نے کرن جوہر کی فلم کیلئے 50 کروڑ روپے فیس وصول کی ہے

اداکار کا کہنا تھا کہ،’ میرا خیال ہے کہ آپ کو کہیں اور جانے کا موقع نہیں مل رہا، کسی اور سے ملنے کا موقع نہیں مل رہا۔ تو میں سنگل ہوں، پوری طرح سے، اس میں کوئی جھوٹ نہیں ہے۔’

ساتھ ہی مزاحیہ انداز میں کارتک نے اپنی بڑھی ہوئی داڑھی کی طرف اشارہ کرتے ہوئے کہا کہ وہ دکھنے میں بھی سنگل لگ رہے ہیں۔

 یاد رہے کہ سال 2024 میں، کارتک نے دو بڑی ہٹ فلمیں دیں  اسپورٹس بائیوپک ’چندو چیمپئن’ اور ہارر کامیڈی ’بھول بھلیاں 3’، جن میں انہوں نے بالکل مختلف کردار نبھاتے ہوئے اپنی اداکاری کی مہارت کا ثبوت دیا۔

اب یہ ہینڈسم اداکار انوراگ باسو کی فلم ’عاشقی 3’ میں ترپتی دمری کے ساتھ اسکرین شیئر کریں گے۔