ایک نئی تحقیق میں یہ انکشاف سامنے آیا ہے کہ مصنوعی ذہانت (AI) ٹولز کا بڑھتا ہوا استعمال طلبہ میں تنقیدی و منطقی سوچ کی صلاحیتوں کو کم کرنے کا سبب بن رہا ہے۔

برطانیہ میں 17 سال اور اس سے زائد عمر کے 650 سے زائد لوگوں پر کی جانے والی تحقیق میں یہ بات سامنے آئی کہ اپنی صلاحیتوں کی بجائے AI پر انحصار کرنے والے طلبہ کی تخلیقی صلاحیتیں واضح طور پر متاثر ہورہی ہیں۔

مصنوعی ذہانت کے ذریعے بِچھڑے پیاروں سے گفتگو ممکن بنانے والا شخص

جیمز کو اپنے مردہ والد سے گفتگو کرکے یہ خیال آیا۔

محققین کا کہنا ہے کہ تخلیقی صلاحیتوں کے منفی طور پر اثرانداز ہونے کا AI ٹولز کے استعمال سے گہرا تعلق ہے جبکہ تخلیقی صلاحیتوں میں اضافے کا تنقیدی و منطقی سوچ سے گہرا تعلق ہے۔

تحقیق کے مطابق ایسے نوجوان جنہوں نے سروے کے دوران AI ٹولز پر زیادہ انحصار کیا ان کی تخلیقی صلاحیتیں واضح طور پر تنقیدی و منطقی سوچ کا استعمال کرنے والوں سے کم نظر آئیں۔

تحقیق میں تجویز دی گئی کہ یہ نتائج ظاہر کرتے ہیں کہ تعلیمی میدان میں AI ٹیکنالوجیز کے بڑھتے استعمال کے ساتھ ساتھ اس بات کو یقینی بنایا جائے کہ ان ٹولز کے ذریعہ طلبہ کو فراہم کردہ سہولت ان کی علمی و عقلی مہارتوں پر اثرانداز نہ ہو۔

سات چیزیں جن کے بارے میں ChatGPT سے کبھی بات نہ کریں

ماہرین حد سے زیادہ ان چیٹ بوٹس پر انحصار سے گریز کی تجویز دیتے ہیں

تحقیق کے شرکاء نے تسلیم کیا کہ فیصلہ سازی اور یادداشت سے جڑے کاموں کے لیے ان کے AI پر انحصار کے سبب اپنی تنقیدی و منطقی صلاحیتیں کے بارے میں انہیں فکر لاحق ہوگئی ہے، کچھ شرکا نے یہاں تک اعتراف کیا کہ AI ان کے روزمرہ کے فیصلوں پر بھی اثرانداز ہورہا ہے۔

لہٰذا اِس تحقیق کے نتائج تعلیمی میدان سمیت دیگر شعبوں میں AI کے انضمام کیلئے زیادہ محتاط حکمت عملی اپنانے کی واضح ترغیب دیتے ہیں۔