سجل اور احد کو دوبارہ ایک ساتھ دیکھ کر مداح حیران رہ گئے
اپنی پسندیدہ جوڑی کو طویل عرصے بعد ساتھ دیکھ کر مداحوں کی آنکھیں نم ہوگئیں

پاکستانی ڈراما انڈسٹری کے نامور اداکار احد رضا میر کو انکی سابقہ اہلیہ و اداکارہ سجل علی کے ساتھ ایک اسٹیج پر دیکھ کر مداح حیران رہ گئے۔
سجل اور احد پاکستانی شوبز انڈسٹری کی پسندیدہ ترین جوڑی سمجھے جاتے تھے، انہوں نے اپنے مشہور ڈرامے 'یقین کا سفر' میں بہترین آن اسکرین کیمسٹری سے بے پناہ مقبولیت حاصل کی تھی۔
ان کے دیگر قابل ذکر ڈراموں میں آنگن، یہ دل میرا اور دھوپ کی دیوار شامل ہیں، دونوں نے مارچ 2020 میں شادی کی لیکن 2022 میں ان کی طلاق کی افواہوں نے اُن کے مداحوں کا دل توڑ کر رکھ دیا۔
دونوں کی جانب سے تاحال طلاق کی باضابطہ طور پر تصدیق نہیں کی گئی تاہم 2022 کے بعد سے ان دونوں کی ایک ساتھ کوئی تصاویر یا ویڈیوز سامنے آئیں اور نہ ہی پبلک مقامات پر دونوں کبھی ساتھ دیکھے گئے ہیں۔
تاہم حال ہی میں سجل اور احد کے مداح اُس وقت حیران رہ گئے جب دونوں کو 'ہم ٹی وی' کی 20ویں سالگرہ کی تقریب میں ایک ہی اسٹیج پر ایک ساتھ دیکھا گیا۔
ایک ہی اسٹیج پر دونوں کی بیک وقت موجودگی نے مداحوں کے دل موہ لیے جنکی آنکھیں اپنی پسندیدہ جوڑی کو ساتھ دیکھ کر نم ہوگئیں۔
اس دلچسپ اتفاق کی ویڈیو اور تصاویر سوشل میڈیا پر خوب وائرل ہورہی ہیں جن پر سجل علی اور احد رضا میر کے مداحوں نے جذباتی ایڈٹس اور پوسٹس بنانا شروع کر دیں۔
سجل اور احد کو ایک ساتھ ایک اسٹیج پر دیکھ کر جذباتی مداحوں نے اُس وقت کو یاد کیا جب ان دونوں نے ماضی میں 'فیورٹ آن اسکرین کپل' کا ایوارڈ حاصل کرنے کے لئے ایک ساتھ اسی اسٹیج پر قدم رکھا تھا۔
کمنٹ سیکشن میں کئی مداح اس بات پر افسردہ نظر آئے کہ ان دونوں نے ایک ساتھ اسٹیج شیئر کرنے کے باوجود ایک دوسرے کی طرف دیکھنا تک گوارا نہ کیا۔
جبکہ بعض لوگوں کا خیال تھا کہ دونوں اداکار اپنی اپنی زندگی میں آگے بڑھ چکے ہیں اور مداحوں کو بھی ان دونوں کے حوالے سے یہی روش اختیار کرنی چاہیے۔
احد رضا میر اور سجل علی کی ازدواجی زندگی:
اداکار احد رضا میر اور سجل کی ازدواجی زندگی کے متعلق بات کی جائے تو سجل اور احد 14مارچ 2020کو ابو ظہبی میں رشتۂ ازدواج میں منسلک ہوئے تھے اور اس جوڑے کو عوام کی جانب سے بے انتہا محبت بھی ملی اور انکے پرستاروں نے انکے جوڑے کو ’ساحد‘ کا نام دیا تھا جبکہ وہ خود کو ’ساحدین‘ کہتے تھے ۔
لیکن 22جنوری 2022کو سجل علی کی بہن صبور علی کی شادی پر احد رضا میر اور انکے پورے گھرانے کی عدم موجودگی کی وجہ سے جوڑے کے درمیان علیحدگی کی خبریں گردش کرنے لگی تھیں جسکے حوالے سے دونوں ہی نے کوئی تصدیق یا تنقید نہیں کی۔
بعدازاں سجل علی نے مارچ 2022 میں اپنے انسٹاگرام اکاؤنٹ پر اپنا نام ’سجل احد رضا میر‘ کی جگہ ’سجل علی‘ کردیا تھا اور کچھ دنوں بعد احد اور سجل دونوں نے ہی اپنے اپنے انسٹاگرام اکاؤنٹ سے ایک دوسرے کے ہمراہ چند ایک تصاویر کے علاوہ ساری ہٹادی تھیں جسکے بعد صارفین نے اس کو سجل اور احد کی جانب سے علیحدگی کی طرف اشارہ سمجھا اور سوشل میڈیا پر بھی کافی افسوس کا اظہار بھی کیا۔
-
بالی ووڈ 19 منٹ پہلے
فلم’چھاوا‘ 2 دن میں 100 کروڑ روپے کمانے میں کامیاب
-
اسکینڈلز 28 منٹ پہلے
’عورت کی کمائی بےبرکت‘ صائمہ کے متنازع بیان پر ریحام خان برہم
-
انفوٹینمنٹ 58 منٹ پہلے
’سلمان خان کو نچانا مشکل ترین کام ہے‘ نامور کوریوگرافر کا اعتراف
-
انفوٹینمنٹ 1 گھنٹے پہلے
خوشی کپور مقبول اداکاروں کی فہرست میں لمبی چھلانگ لگانے میں کامیاب