پاکستان

نیو گوادر ایئر پورٹ کا افتتاح، ائیرپورٹ کی خصوصیات کیا؟

پی آئی اے کی پرواز افتتاح کے بعد نئے ائیرپورٹ پر اترنے والی پہلی کمرشل پرواز بن گئی۔

Web Desk

نیو گوادر ایئر پورٹ کا افتتاح، ائیرپورٹ کی خصوصیات کیا؟

پی آئی اے کی پرواز افتتاح کے بعد نئے ائیرپورٹ پر اترنے والی پہلی کمرشل پرواز بن گئی۔

نیو گوادر ایئر پورٹ کا افتتاح، ائیرپورٹ کی خصوصیات کیا؟

سی پیک کوریڈور کے اہم منصوبے نیو گوادر ایئر پورٹ کا افتتاح کر دیا گیا، پاکستان انٹرنیشنل ایئرلائنز (پی آئی اے) کی پرواز افتتاح کے بعد نئے ائیرپورٹ پر اترنے والی پہلی کمرشل پرواز بن گئی۔

پاکستان ایئرپورٹ اتھارٹی (پی اے اے) کے ایک عہدیدار نے ایک بیان میں کہا کہ پہلی کمرشل پرواز پی کے 503 صبح گیارہ بج کر پندرہ منٹ پر ایئرپورٹ پر اتری۔

بیان میں کہا گیا کہ پرواز کراچی سے صبح 9 بج کر 50 منٹ پر روانہ ہوئی اور گیارہ بج کر پندرہ منٹ پر  46 مسافروں کیساتھ بجے ترین گوادر ایئرپورٹ پر لینڈ ہوئی۔

اس موقع پر وزیر دفاع و ہوا بازی خواجہ آصف اور وزیر اعلیٰ بلوچستان میر عبدالقدوس بزنجو نے مسافروں کا استقبال کیا۔

کراچی سے گئی پہلی پرواز کو نیو گوادر ایئر پورٹ پر اترنے پر واٹر سلیوٹ دیا گیا، قومی ایئر لائن نے گوادر کی پرواز کے لیے سابق اے ٹی آر طیارہ استعمال کیا۔

فلائٹ ریڈار پر نیو گوادر ایئر پورٹ کے مقام کو ٹیگ کیا گیا، اس کے ساتھ ہی فلائٹ ریڈار پر پرانے گوادر ایئر پورٹ کے مقام سے ایئر پورٹ ٹیگ ہٹا دیا گیا ہے۔

خیال رہے کہ گوادر انٹرنیشنل ایئر پورٹ رقبے کے لحاظ سے پاکستان کا سب سے بڑا ایئر پورٹ ہے جو 430 ایکڑ پر گوادر شہر سے 26 کلومیٹر دور گورنڈانی کے مقام پر قائم کیا گیا ہے۔

نیو گوادر ایئر پورٹ کا ایک ہی رن وے 3658 میٹر طویل اور 75 میٹر چوڑا ہے جس میں بڑے ہوائی جہاز کو ایڈجسٹ کرنے کی گنجائش ہے۔

لگ بھگ 50 ارب روپے مالیت سے تعمیر کردہ گوادر ایئرپورٹ پر ایئر بس اے 380 اور بوئنگ 747 جیسے بڑے طیارے بھی لینڈ کر سکیں گے۔

نیو گوادر ایئر پورٹ کا علامتی افتتاح 14 اکتوبر 2024ء کو وزیرِ اعظم شہباز شریف نے کیا تھا تاہم ایئر پورٹ پر پروازوں کی باقاعدہ لینڈنگ آج سے شروع ہو رہی ہے۔

تازہ ترین