جامعہ کراچی کی انتظامیہ نے طلبہ کے لباس کے حوالے سے ہدایات پر مبنی نیا نوٹیفکیشن جاری کردیا ہے۔

نوٹیفکیشن میں کہا گیا ہے کہ یونیورسٹی میں طلبہ صاف ستھرے اور مہذب کپڑے پہن کر آئیں، ہیجان انگیز، نفرت پھیلانے والا یا دھیان بھٹکانے والا لباس پہننے سے گریز کیا جائے۔

انتظامیہ کیجانب سے جاری نوٹی فکیشن میں مزید کہا گیا ہے کہ یونیورسٹی میں جسم کو ظاہر کرنے اور چھوٹی آستینوں والے یا چست کپڑے پہننے سے گریز کیا جائے۔

جی سی یونیورسٹی میں جینز، ٹی شرٹ اور جوگرز پہننے پر پابندی عائد

ہدایات کی خلاف ورزی کرنے والوں پر جرمانہ ہوگا

نوٹیفکیشن میں طلبہ کو مطلع کیا گیا ہے کہ قابل اعتراض پرنٹ یا گرافکس والے کپڑے نہ پہنے جائیں، اس کے علاوہ طلبہ کو یونیورسٹی میں عام ربڑ کی چپلیں پہن کر آنے سے بھی منع کیا گیا ہے۔

یونیورسٹی انتظامیہ کیجانب سے جاری یہ نوٹیفکیشن انٹرنیٹ پر وائرل ہوا تو کئی سوشل میڈیا صارفین نے تنقید کرتے ہوئے ان پابندیوں کو 'غیرضروری' قرار دیا، جس کے بعد جامعہ کراچی کی مشیر امور طلبہ ڈاکٹر نوشین رضا نے مذکورہ نوٹیفکیشن پر وضاحت جاری کردی ہے۔

ڈاکٹر نوشین رضا کا کہنا ہے کہ ڈریس کوڈ سے متعلق نوٹیفکیشن نیا نہیں ہے، طلبہ کی رہنمائی کے لیے ڈسپلن سے متعلق نوٹیفکیشن جاری کرتے رہتے ہیں۔

فریال محمود حجابی اے آئی روبوٹ کو دیکھ کر حیرت میں مبتلا

اداکارہ کے تبصرے نے نئی بحث چھیڑ دی

انہوں نے کہا یہ ایک بڑی جامعہ ہے، 45 ہزار سے زائد طلبہ زیر تعلیم ہیں، نئے داخلے بھی ہوئے ہیں، بڑی تعداد میں طلبہ کو داخلہ ملا ہے، ان کی رہنمائی کے لیے یہ نوٹیفکیشن جاری کیا گیا ہے۔

ڈاکٹر نوشین رضا کا مزید کہنا تھا کہ کراچی یونیورسٹی کے کوڈ آف کنڈکٹ میں ڈریس کوڈ مینشن ہے، طلبہ کا لباس با وقار ہونا چاہیے، طلبہ کو صرف تنبیہہ کی گئی ہے کہ کیسا لباس پہنیں، وہ اپنی مرضی اور ثقافتی پسِ منظر کے لحاظ سے کوئی بھی لباس پہن سکتے ہیں۔