اکشے کمار نے بالی وڈ کے پے درپے فلموں کے ناکام ہونے کی ذمہ داری او ٹی ٹی پلیٹ فارمز پر عائد کرد دی۔

اکشے کمار نے اپنی جلد ریلیز ہونے والی فلم اسکائی فورس میں ڈیبیو کرنے والے ویر پہاڑیا کے ساتھ مل کر کام کیا ہے۔

اکشے کمار پاکستان مخالف فلموں سے باز نہ آئے

مسلسل فلاپ فلموں کے بعد اکشے کمار کی نئی فلم 'اسکائے فورس' کا ٹریلر ریلیز

1965 کی پاک بھارت فضائی جنگ پر مبنی یہ فلم سندیپ کیولانی نے ڈائریکٹ کی ہے اور اس میں سارہ علی خان اور نمرت کور بھی ہیں۔

اکشے اور ویر کی جوڑی نے اپنی اس فلم کی ریلیز سے پہلے شوبز ویب سائٹ کوایک خصوصی انٹرویو کے ساتھ ۔

 انہوں نے اپنی فلم کے بارے میں بات کی، میمز پر ردعمل ظاہر کیا اور مداحوں سے بات چیت کی۔

انٹرویو میں اکشے کمار سے پوچھا گیا کہ آخر بالی وڈ کی فلمیں باکس آفس پر پہلے کی طرح کامیاب کیوں نہیں ہورہی ہیں، بھارتی فلموں کی کامیابی کا تناسب نمایاں طور پر نیچے چلا گیا ہے۔

اکشے کی کونسی فلم بری طرح فلاپ ہونے کے بعد بھی او ٹی ٹی پر مقبول؟

اکشے کمار کی یہ فلم او ٹی ٹی پر ٹرینڈ کر رہی ہے

جس پر کھلاڑی کے نام سے مشہور اداکار نے جواب دیا کہ 'میں بہت سے لوگوں سے ملتا ہوں جو مجھے کہتے ہیں کہ وہ فلم اس وقت دیکھیں گے جب یہ او ٹی ٹی (ڈیجیٹل پلیٹ فارمز) پر آئے گی، تو یہی سب سے بڑی وجہ ہے، ساری بات یہی ہے، یہ ایک حقیقت ہے کہ کووڈ کے بعد لوگوں کو او ٹی ٹی پلیٹ فارمز پر جانے کی عادت پڑ گئی ہے'۔

انٹرویو کے دوران اکشے کمار نے انسان کی زندگی میں قسمت کے عنصر پر بہت زور دیا۔

انہوں نے کہا کہ انسان 30 فیصد اس کی محنت اور 70 فیصد اس کی قسمت کی وجہ سے کامیاب ہوتا ہے۔

جب ان سے سال 2025 میں ان کی آنے والی فلموں کے بارے میں پوچھا گیا تو اداکار نے کہا کہ وہ ان میں سے ہر ایک کے لیے پرجوش ہیں ساتھ ہی اپنی قسمت کا ستارہ چمکنے کی خواہش بھی ظاہر کی۔

'مرا نہیں ہوں'، اکشے کمار اپنی ناکام فلموں پر بول پڑے

فلم کے ٹریلر لانچ ایونٹ میں اداکار کا ناقدین کو کرارا جواب

غیرمعمولی طور پر کئی بلاک بسٹرز دینے والے بالی وڈ کے یہ سپر اسٹار اپنے فلمی کیریئر کے ایک ناکام دور سے گزر رہے ہیں جہاں متواتر ان کی متعدد فلمیں سینما گھروں میں ناکام ثابت ہوئی ہیں۔

اداکار کی وہ آخری فلم جس میں ان کا کیمیو کے بجائے ایک مکمل کردار تھا اور اس نے باکس آفس پر اچھی کارکردگی کا مظاہرہ کیا وہ 'سوریاونشی' تھی۔