پاکستانی مقبول ترین ڈرامے 'کبھی میں کبھی تم' کے مرکزی کردار 'مصطفیٰ ' کی مشہور ہونے والی بائیک کی نیلامی کے نتیجے میں ملنے والی قیمت منظرِ عام پر آگئی۔

'کبھی میں کبھی تم' اپنے شاندار کامیابی کے سبب پاکستانی بہترین ڈراموں کی تاریخ میں ہمیشہ یاد رکھا جائے گا۔

فہد مصطفیٰ 10 سال ڈراموں میں اداکاری کرتے نہیں دکھے اور ’کبھی میں کبھی تم‘ سے کم بیک کا فیصلہ لیا جو صحیح ثابت ہوا۔

'کبھی میں کبھی تم' کونسے سبق سکھا کر الوداع کہہ گیا؟

'کبھی میں کبھی تم' نے ناظرین کو انٹرٹینمنٹ ہی نہیں عقل بھی دی

ڈراما کا جادو ایسا چل گیا کہ فہد مصطفیٰ کو ’کبھی میں کبھی تم‘ کی وجہ سے بین الاقوامی سطح پر بھی شہرت حاصل ہوگئی۔

یہی نہیں بلکہ انکا لُک، بولنے کا انداز ، ڈایلاگز، رہن سہن بھی خوب دھوم مچاتا نظر آیا۔ گلے میں چین، ٹی شرٹ پر پہنی ڈریس شرٹ اور اسکے کھلے بٹ، جینز کے ساتھ جوگرز اور پھر ہیوی بائیک یہ سب مل کر مصطفیٰ کے کردار کو منفرد بناتے نظر آئے۔

ان تمام انفرادیت میں سے ایک یعنی مصطفیٰ کی ہیوی بائیک ڈراما ختم ہونے کے بعد بھی لوگوں میں خوشیاں پھیلانے کی وجہ بنی کیونکہ فہد مصطفیٰ نے اس آئیکونک بائیک کو نیلام کر کے حاصل ہونے والے پیسے عطیہ کردیے۔

فہد مصطفیٰ نے KMKT کی ہیوی بائیک کیوں نیلام کردی؟

اس بائیک کیساتھ اداکار کی قیمتی یادیں وابستہ تھیں

چند روز قبل فہد مصطفیٰ نے انسٹاگرام پوسٹ کے ذریعے اس حوالے سے فین کو آگاہ کیا تھا کہ انہوں نے آئیکونک بائیک کراچی کے انڈس اسپتال کے لیے نیلام کردی ہے جس سے حاصل رقم عطیہ کر دی گئی ہے۔

فہد مصطفیٰ کی جانب سے کیا گیا یہ انکشاف انکے فینز کے دل میں انکی عزت میں اضافے کا سبب بنا اور اب بائیک کو نیلام کرنے کے نتیجے میں ملنے والی قیمت کے حوالے سے بھی سوشل میڈیا پر ایک دعویٰ کیا گیا ہے۔

دعوے کے مطابق مصطفیٰ کی آئیکونک بائیک 46 ہزار اماراتی درہم میں نیلام ہوئی ہے جس کی قیمت اگر پاکستانی کرنسی میں تبدیل کی جائے تو 34 عشاریہ 9 لاکھ روپے بنتی ہے۔

یہ بھی دعویٰ کیا گیا ہے کہ اس بائیک کی قیمت دبئی میں فنڈرائیزر نے ادا کی ہے جو مکمل طور پر چیریٹی کے کاموں میں صرف ہوگی۔