دیا مرزا ایک مشہور بھارتی اداکارہ ماڈل ہیں جنہوں نے اپنے شاندار کام اور خوبصورتی کی بدولت دنیا بھر میں شہرت حاصل کی۔

وہ 9 دسمبر 1981 کو حیدرآباد بھارت میں پیدا ہوئیں، دیا مرزا نے اپنے کیریئر کا آغاز ماڈلنگ سے کیا اور 2000 میں مس ایشیا پیسیفک انٹرنیشنل کا ٹائٹل جیتا، جس کے بعد ان کی مقبولیت میں بے پناہ اضافہ ہوا۔

دیا مرزا نے 2001 میں فلم ’رہنا ہے تیرے دل میں‘ سے بالی ووڈ میں ڈیبیو کیا، جو آج بھی ایک کلاسک رومانوی فلم کے طور پر یاد کی جاتی ہے۔

اس کے بعد انہوں نے کئی کامیاب فلموں میں کام کیا، جن میں ’تم کو نہ بھول پائیں گے‘، ’پری نیتا‘، ’لگے رہو منا بھائی‘، ’سلام ممبئی‘، اور ’تھپڑ‘شامل ہیں۔

دیامرزا نے حال ہی میں فوٹو اینڈ ویڈیو شیئرنگ ایپ انسٹاگرام پر ماضی کی یادوں کو تازہ کیا اور اپنے مداحوں کو ایک سرپرائز دیا اورمس ایشیا پیسیفک انٹرنیشنل کا ٹائٹل جیتنے کے 25 سال مکمل ہونے پر خوشی کا اظہار کیا اور ایک تصویر شیئر کی جس میں ان کے ساتھ بالی وڈ کنگ شاہ رخ خان ، پریانکا چوپڑا اور لارا دتہ نظر آرہی ہیں۔

ماں نہ بننے پر دیا مرزا کو کیا کچھ برداشت کرنا پڑا؟

میری زندگی عذاب بن گئی تھی۔

دیا مرزا نے اپنی انسٹاگرام پوسٹ میں تین تصاویر شیئر کیں، پہلی تصویر میں سشمیتا سین، ایشوریا رائے، پریانکا چوپڑا، لارا دتہ، یکتا موکھے، ڈیانا ہیڈن اور دیا مرزا خود نظر آ رہی ہیں۔

یہ تصویر 15 جنوری 2000 کو منعقد ہونے والے مس انڈیا مقابلے کے عظیم الشان ایونٹ کی ہے، جہاں خوبصورتی کے مقابلے جیتنے والی مختلف حسینائیں نظر آئیں۔

دوسری تصویر میں پریانکا چوپڑا، لارا دتہ اور دیا مرزا ہیں، جس میں دیا لارا کے گال پر بوسہ دیتی نظر آ رہی ہیں۔

دیا مرزا فلسطینی بچوں کیلئے فکر مند

معصوم بھارتی اداکارہ دیا مرزا نے فلسطینیوں پر جاری اسرائیلی مظالم کیخلاف آواز...

تیسری تصویر، جو دل کو چھو لینے والی ہے، شاہ رخ خان کے ساتھ ہے۔ یہ سپر اسٹار، جو جج کے طور پر اس مقابلے میں جوہی چاولہ اور دیگرمہمانوں کے ساتھ شامل تھے، پریانکا چوپڑا، لارا دتہ اور دیا مرزا کے ساتھ اسٹیج کے پیچھے تصویر میں نظر آ رہے ہیں۔

دیا مرزا نے انسٹاگرام پوسٹ میں اس شام کےاہم لمحات کے بارے میں تفصیلات شیئر کیں، دیا مرزا نے کیپشن میں لکھا کہ شاہ رخ خان کے ساتھ ہمارے جیتنے کے فوراً بعد فوٹوشوٹ اسٹیج کے پیچھے ہوا، میں ایک مکمل حیرت زدہ لڑکی تھی، جو شاہ رخ خان کو دل سے پسند کرتی تھی، یہ ایک حیرت انگیز لمحہ تھا۔

سوتیلی بیٹی نے کبھی ماں کہہ کر نہیں پکارا، دیا مرزا

سوتیلی بیٹی سمیرا اور ایان کی تصاویر انسٹاگرام پر پوسٹ کیں۔

دیا مرزا نے مزید لکھا کہ وقت پر لگا کر اڑ گیا، ہم میں سے ہر ایک نے اپنے وقت کو دنیا میں سمجھنے اور سنوارنے کا اپنا راستہ تلاش کیا ہے، ہم نے کچھ لوگوں کو کھو دیا ہے جو اس زندگی کے اہم لمحے کا حصہ تھے لیکن ان کے اثرات اور نقوش نے یقیناً ہماری زندگیوں کو تشکیل دیا ہے۔

دیا مرزا نے کہا کہ اس زبردست تبدیلی کو 25 سال ہو گئے ہیں اور میں اس کے لیے شکر گزار ہوں۔

دیا مرزا نے لارا دتہ اور پریانکا چوپڑا کی تعریف بھی کی اور لکھا کہ میں آپ دونوں سے محبت کرتی ہوں اور آپ کی عزت کرتی ہوں، ہم نے اس سال تینوں بین الاقوامی ٹائٹل جیت کر تاریخ رقم کی۔