پاکستانی خوبرو اداکارہ کنزہ ہاشمی اور بھارتی کامیڈین و شاعر منور فاروقی کے نئے گانے 'ہوا بن کے' کا ٹیزر سوشل میڈیا پر دھوم مچانے میں کامیاب ہو گیا۔

’روپوش‘ ، ’عشق تماشہ‘ ، ’گل و گلزار‘ اور ’ دل آویز‘ جیسے ڈراموں میں بہترین اداکاری کے جوہر دکھانے والی اداکارہ کنزہ ہاشمی لاکھوں دلوں پر راج کرتی ہیں۔

کنزہ ہاشمی کی مقبولیت صرف پاکستان ہی میں نہیں بلکہ بھارت میں بھی اور اسی سبب بھارتی میوزک ڈائیریکٹرز ان سے رابطے میں رہتے ہیں اور انہیں اپنے گانے میں لیکر انکی چارمنگ پرسنیلیٹی سے گانے کو ہٹ کرواتے ہیں۔

بھارتی گلوکار اور کنزہ ہاشمی کا گانا ’نمبر ون‘ بن گیا

جوش برار کا کنزہ ہاشمی کیساتھ گیت چھا گیا

کنزہ ہاشمی سب سے پہلے بھارتی اداکار کرن واہی کے ساتھ پاکستانی گلوکار راحت فتح علی خان کے گیت میں کام کرچکی ہیں جس کے بعد گزشتہ سال گلوکار بھارتی گلوکار جوش برار کے گیت 'تیرے بنا نہ گزارا اے‘ سے بھی دھوم مچائی۔

کنزہ ہاشمی ان دنوں منور فاروقی کے ساتھ ایک میوزک ویڈیو پر کام کرنے میں مصروف تھیں جس کا نام 'ہوا بن کے' ہے۔

ٹیزر کنزہ ہاشمی اور منور فاروقی دونوں نے اپنے اپنے انسٹاگرام اکاؤنٹ پر شیئر کیا ہے جس میں گانے کی کہانی کی جھلک دکھائی ہے۔

شیئر کیے گئے ٹیزر میں سب سے پہلے پولیس موبائل کی ایمرجنسی لائٹ اور ایک لاش دکھائی گئی، پھر منور فاروقی کی شرٹ پر خون لگا دکھایا گیا جبکہ ایک پولیس اہلکار ہاتھ میں چھرا کپڑے میں لپیٹ کر پکڑا نظر آیا اور منور فاروقی کو گرفتار کر کے ساتھ لے جاتے دکھے۔

ٹیزر میں یہ بھی دیکھا جا سکتا ہے کہ منور فاروقی پولیس اہلکاروں کے ساتھ روانہ ہوتے ہوئے پیچھے مڑ کر دیکھتے ہیں جہاں کنزہ ہاشمی سفید لباس میں ملبوس کھڑی نظر آتی ہیں جو منور فاروقی کو دیکھ کر رو رہی ہوتی ہیں۔

منور فاروقی، کنزہ ہاشمی کا موبائل لیکر فرار، ماجرا کیا؟

کنزہ ہاشمی کا منور فاروقی سے ٹکراؤ، دوستی نہیں دشمنی کا آغاز

اس کے بعد گانے کے لیرکس شروع ہوتے ہیں اور اس میں دونوں کو بائیک پر سفر کرتے اور خوشگوار لمحات گزارتے دیکھا جا سکتا ہے جو ان کی محبت کی کہانی ہے اور منور فاروقی کی آنکھوں کے سامنے سے گزرتی ہے۔

اس گانے کی میکنگ میں بھارتی گلوکار رجت ناگپال، رِتو ربا اور نیہا ککڑ کی محنت شامل ہے۔

فینز کی جانب سے صرف گانے کا ٹیزر دیکھ کر ہی اسے سپر ہٹ قرار دے دیا گیا ہے جو 3 فروری کو ریلیز کیا جائیگا۔