برطانیہ کے تحقیقاتی ماہرین نے مشاہدہ کیا ہے کہ جنوری اور فروری میں پیدا ہونے والے بچے دیگر مہینوں میں پیدا ہونے والے بچوں کے مقابلے میں زیادہ ذہین ہوتے ہیں۔

برطانیہ کے سرکاری دفتر سے جاری ہونے والی تحقیقاتی رپورٹ میں کہا گیا ہے کہ جن بچوں کا اسٹار ‘ایکیوریس یا ایکیوریم‘ ہوتا ہے وہ مشہور اور امیر ہوتے ہیں، ایسے بچوں میں پڑھنے لکھنے کی صلاحیت بھی دیگر سے زیادہ ہوتی ہے۔

'دہری بچہ دانی' والی ماں کے ہاں جڑواں بچوں کی پیدائش

ماں اور دونوں بچے مکمل طور پر تندرست و صحت مند ہیں

تحقیق میں دنیا کی نامور شخصیات کی پیدائش اور اُن کے اسٹار کا مشاہدہ کیا گیا جس کے دوران کرسٹانیو رونالڈو، اوپرا ونفرے، جینیفر انیسٹون و دیگر کے نام سامنے آئے۔

ماہرین نے دعویٰ کیا ہے کہ جنوری اور فروری میں پیدا ہونے والے بچوں میں آگے بڑھنے، ترقی اور مشہور ہونے کی صلاحیت بہت زیادہ ہوتی ہے جس کی وجہ سے وہ دوسروں پر سبقت لے جاتے ہیں۔

ایک اور تحقیقاتی رپورٹ میں بتایا گیا ہے کہ موسمِ سرما میں پیدا ہونے والے بچے ذہنی آزمائش کے امتحانات میں بہترین پوزیشن حاصل کرتے ہیں۔

پیدائش کے بعد بچوں کا رنگ کم کیوں ہوجاتا ہے؟

گھر کی بزرگ خواتین کے ٹوٹکے بھی کام نہیں آتے ہیں

رپورٹ کے مطابق ایسے بچے جو میڈیکل کا شعبہ اختیار کرتے ہیں وہ ڈاکٹر بننے کے بعد بڑے کارنامے انجام دیتے ہیں جبکہ فروری میں پیدا ہونے والے بچے فنکارانہ صلاحیتوں سے مالا مال ہوتے ہیں۔

تحقیقاتی ٹیم کے سربراہ کا کہنا تھا کہ مشاہدے کے دوران 500 اسپتالوں اور کمپنیوں کا ڈیٹا اکھٹا کیا گیا البتہ اُن کا یہ بھی کہنا تھا کہ یہ تاثر دینا بھی غلط ہوگا کہ جنوری اور فروری کے علاوہ پیدا ہونے والے بچے کسی سے پیچھے رہ جاتے ہیں۔