2004 میں ریلیز ہونے والی فلم ’ہم تم‘، جو کنال کوہلی کی ہدایتکاری میں بنی، سیف علی خان کے کیریئر میں ایک سنگ میل سمجھی جاتی ہے۔

نہ صرف یہ فلم ایک عرصے بعد ان کی پہلی سولو ہٹ ثابت ہوئی بلکہ اس نے انہیں نیشنل ایوارڈ بھی جتوایا۔ اس فلم میں ان کے ساتھ رانی مکھرجی تھیں اور یہ آج بھی ایک کلٹ کلاسک مانی جاتی ہے، فلم میں رشی کپور اور رتی اگنی ہوتری نے بھی اہم کردار ادا کیے تھے،رشی کپور نے فلم میں سیف کے والد کا کردار نبھایا تھا لیکن یہ ایک ت مہمان کردار تھا جس میں صرف سات سین تھے۔

رشی کپور کی گینگسٹر داؤد ابراہیم سے ملاقات کا دلچسپ قصہ

داؤد ابراہیم مجھے پسند کرتے تھے، وہ پوری کپور فیملی کے مداح تھے، رشی کپور

اب ڈائریکٹر کنال کوہلی نے انکشاف کیا ہے کہ جب رشی کپور نے اسکرپٹ سنی تو انہوں نے کم سین ہونے کی وجہ سے فلم کرنے سے انکار کر دیا تھا۔ انہوں نے ایک انٹرویو میں کہا کہ جب میں نے رشی کپور کو کردار سنایا تو انہوں نے کہا میں یہ نہیں کر رہا، میں نے پوچھا کیوں؟ تو وہ بولے، ‘یہ تو بس ایک گیسٹ اپیئرینس ہے، مجھے نہیں کرنا، کیا بکواس ہے؟ تم نے مجھے صرف سات سین دیے ہیں، میں نہیں کر رہا۔

کنال کوہلی نے پھر انہیں قائل کیا کہ وہ کم از کم سین سن کر فیصلہ کریں اور پھر جب انہوں نے سنے تو بولے ہاں یہ اچھا ہے، یہ بھی اچھا ہے اور پھر کہنے لگے ‘مجھے کچھ اور سین دو، میں صرف گیسٹ اپیئرینس کیوں کروں؟

رشی کپور کی موت کے بعد نیتو کو کس بات کا خوف سناتے لگا؟

نیتو کپور نے اہم راز سے پردہ اٹھادیا

میں نے کہا ‘سر، میں آپ کو اور سین دے سکتا ہوں مگر آپ صرف اِدھر اُدھر گھومتے نظر آئیں گے، یہاں جب بھی آپ آئیں گے، آپ کا اثر ہوگا، آپ کے ہر سین میں، ہر ڈائیلاگ میں اثر ہوگا، میں دس سین اور ڈال سکتا ہوں مگر وہ بغیر کسی اثر کے ہوں گے، تب وہ بولے، ‘ہاں ٹھیک ہے، چلو کرتے ہیں۔

اسی انٹرویو میں کنال کوہلی نے انکشاف کیا کہ یش چوپڑا نے انہیں اور آدتیہ چوپڑا کو فلم بنانے کے لیے صرف 7.5 کروڑ روپے دیے تھے، کنال کی پچھلی فلم ’مجھ سے دوستی کرو گے‘ بڑے بجٹ پر بنی تھی اور اس میں رانی مکھرجی، کرینہ کپور اور ریتک روشن تھے لیکن وہ باکس آفس پر ناکام رہی۔ اس لیے اس بار بجٹ کم رکھا گیا تھا، تاہم ’ہم تم‘ زبردست ہٹ ثابت ہوئی۔