پاکستانی اداکارہ ہانیہ عامر بالی وڈ کی سب سے متنازع اداکارہ راکھی ساونت کو پاکستان خوش آمدید کہنے کیلئے کراچی ایئرپورٹ پہنچ گئیں۔

ہانیہ عامر پاکستان کی ایسی اداکارہ ہیں جن کو بھارت میں بھی بے انتہا محبت مل رہی جسکی وجہ انکی خوبصورتی، معصومانہ اداکاری، مشہور ڈرامے اور سوشل میڈیا پر دلچسپ کانٹینٹ ہے۔

راکھی ساونت کے ڈانس چیلنج پر ہانیہ عامر کا ردِعمل وائرل

ہانیہ عامر کی راکھی ساونت کے چیلنج پر ویڈیو ریک

ہانیہ عامر کو گزشتہ چند ہفتے قبل بالی وڈ کی ڈراما کوئین قرار دی جانے والی اداکارہ راکھی ساونت نے پہلے ڈانس چیلنج دیا پھر انکو اپنی پسندیدہ اداکارہ بھی قرار دے دیا۔

راکھی نے یہ پیغام بھیجا تھا کہ وہ پاکستان آرہی ہیں ہانیہ عامر سے ملنے جس کے بعد ہانیہ عامر نے بھی انسٹاگرام کا رخ کرتے ہوئے اسٹوری اپڈیٹ کی جس میں اداکارہ نے آنکھوں کو ملتے ہوئے مدہوشی کی حالت میں راکھی کو یقین دہانی کرائی اور کہا کہ 'سب کو گڈ مارننگ میں یہ کہنا چاہتی ہوں کہ پہلے میری زندگی کافی غمگین تھی لیکن پھر راکھی جی میری زندگی میں آئیں، راکھی جی، میں ایئرپورٹ پر آپ کو لینے آ رہی ہوں’۔

ہانیہ بھی راکھی کو ریسیو کرنے کیلئے جاگ اٹھیں

راکھی جی میں آپکو لینے آرہی ہوں

اس کے بعد راکھی نے ویڈیو شیئر کی جس میں وہ ایک سڑک پر گھومتی دکھیں اور یہ دعویٰ کیا کہ وہ لاہور پہنچ گئی ہیں لیکن ہانیہ ان کو لینے نہیں آئی ہیں لیکن اس ویڈیو میں کوئی صداقت نہیں تھی کیونکہ راکھی ابھی پاکستان پہنچی نہیں ہیں۔

ہانیہ عامر نے اب اس معاملے کو پھر سے ہائی لائیٹ کرواتے ہوئے انسٹاگرام پر ایک پوسٹ شیئر کی جس میں وہ اپنی سہیلیوں کے ساتھ اچھا وقت گزارتی اور پھر ایئرپورٹ پر انہیں چھوڑنے جاتی بھی دکھیں۔

ان ہی تصاویر میں ہانیہ عامر نے ایک ایسی تصویر بھی شامل کی جس میں وہ کراچی ایئرپورٹ پر کھڑی نظر آئیں اور ساتھ ہی انہوں نے ہاتھ میں ایک بورڈ پکڑ رکھا تھا جو اصل میں توجہ کا مرکز بن گیا۔

اس بورڈ پر لکھا تھا 'راکھی جی، میں یہاں ہوں'، جو ہانیہ اور راکھی کے درمیان ہونے والی دلچسپ گفتگو کو مزید بڑھا گیا۔

ممکنہ طور پر اب ہانیہ عامر کے اس بورڈ کو دیکھنے کے بعد اب راکھی ساونت بھی کوئی نیا پیغام بھیجیں گی۔