پاکستانی نوبیاہتا جوڑے ماورا حسین اور امیر گیلانی کے ولیمے میں اسٹار جوڑی عروہ حسین اور فرحان سعید کی چھوٹی سی فیملی لائم لائٹ چرانے میں کامیاب ہوگئی۔

فرحان سعید اور عروہ حسین کا جوڑا بننا دونوں کے ہی فینز کے لیے حیران کن تھا کیونکہ کبھی انہیں ایک ساتھ دیکھا نہیں گیا تھا۔

شادی کی سالگرہ، عروہ اور فرحان کا گاتے ہوئے وعدہ کرنا وائرل

فرحان اور عروہ نے موسیقی کیساتھ شادی کی سالگرہ منالی

سال 2016 میں شادی کے بندھن میں بندھنے والے گلوکار فرحان سعید اور عروہ حسین کے ہاں 3 جنوری 2024 کو بیٹی کی پیدائش ہوئی جس کے ساتھ ہی دونوں کی چھوٹی لیکن خوشحال فیملی بن گئی۔

عروہ حسین اور فرحان سعید چند دنوں سے سوشل میڈیا پر خوب دھوم مچاتے دکھ رہے ہیں اور اسکی وجہ عروہ کی بہن و اداکارہ ماورا حسین کی شادی ہے۔

ماورا حسین نے ساتھی اداکار امیر گیلانی کے ساتھ 5 فروری 2025 کو یادگار بناتے ہوئے نکاح کیا جس کے بعد شیندی اور ولیمے کی تقریب کا انعقاد کیا۔ 

ماورا کی شیندی پر عروہ اور فرحان نے ڈانس فلور پر آگ لگادی

متعدد ڈانس ویڈیوز توجہ سمیٹنے میں کامیاب

تینوں ہی تقریبات میں ماورا اور امیر گیلانی کے ساتھ ساتھ عروہ حسین اور فرحان سعید کی جوڑی بھی خوب سجی سنوری دکھی۔

نکاح، شیندی کے بعد اب عروہ اور فرحان نے دعوتِ ولیمہ میں لی گئیں تصاویر بھی شیئر کیں جو وائرل ہوگئیں۔

اس موقع پر عروہ حسین فرنٹ اوپن گاؤن اور ٹراؤزر پہنی نظر آئیں جبکہ فرحان سعید سیاہ جوڑے میں ملبوس دکھے۔

عروہ اور فرحان کے ساتھ انکی ننھی پری بھی محفل کی رونق بنتی دکھیں جو اپنی خالہ کے ولیمے پر سفید و سنہرے جوڑے میں ملبوس نظر آئیں۔

فینز کی جانب سے عروہ اور فرحان کی چھوٹی سی فیملی کو بے انتہا محبت سے نوازا جارہا ہے۔

دلکش تصاویر یہاں دیکھیں: