ٹک ٹاک دنیا کے مقبول ترین سوشل میڈیا پلیٹ فارم میں سے ایک ہے اور پاکستانی صارفین بھی اسے اپنی صلاحیتوں کا اظہار کرنے کےلیے بھرپور طریقے سے استعمال کررہے ہیں۔

ٹک ٹاک نے تیسری مرتبہ لاہور میں میں اپنے پُروقار کری ایٹر ایوارڈز 2024 کی میزبانی کی، یہ ایوارڈز  اُن پاکستانی کری ایٹرز کی غیر معمولی صلاحیتوں کا اعتراف کرتا ہے جنہوں نے ملک میں ڈیجیٹل کانٹینٹ کو تبدیل کردیا ہے۔

'کانٹینٹ کریئٹر ایوارڈز 2024' کیلئے نامزد پاکستانی ٹک ٹاکرز کون؟

ووٹنگ کا دورانیہ 10 فروری کو رات 11 بجکر 59 منٹ پر ختم ہو جائے گا

اس تقریب میں ٹک ٹاک نے پاکستانی کری ایٹرز کمیونٹی، ٹاپ ویڈیوز، سال کے سرفہرست ٹرینڈز اور شاندار کارکردگی کا مظاہرہ کرنے والے کانٹینٹ کری ایٹرز کو ایوارڈز سے نوازا۔

ایونٹ کے دوران ٹک ٹاک کی جانب سے انٹرٹینمنٹ، لائف اسٹائل اور اسپورٹس سمیت 10 کیٹگریز میں ٹک ٹاکرز کو ایوارڈز دیے گئے، جبکہ ٹاپ کری ایٹر آف دی ائیر کا ایوارڈ بھی دیا گیا۔

سال کا سب سے باوقار ایوارڈ کری ایٹر آف دی ایئر کا ایوارڈ محمد احمد عرف مسٹر بیٹری کو دیا گیا، جب کہ عباس بخاری نے سال کے ابھرتے ہوئے کانٹینٹ کری ایٹر کا خطاب حاصل کیا۔

ان کے علاوہ آزاد چائے والا نے سوشل امپیکٹ کری ایٹر آف دی ایئر کا ایوارڈ جیتا، جو کمیونٹی میں ان کے کردار اور اثر و رسوخ کا اعتراف کرتا ہے۔

2024 پاکستانی ٹک ٹاکرز کیلئے بدترین سال کیوں رہا؟

رواں برس کچھ مشہور ٹک ٹاکرز کی نازیبا ویڈیوز قطار در قطار لیک ہوئیں

اسی طرح سِڈ ریپر  نے او جی کری ایٹر آف دی ایئر کا ایوارڈ حاصل کیا جبکہ زنیر کمبوہ نے ٹریول کری ایٹر آف دی ایئر کا خطاب حاصل کیا، اسی طرح اسامہ خان کو لانگ فارم/1 منٹ+ کانٹینٹ کری ایٹر آف دی ایئر کے طور پر تسلیم کیا گیا۔

فوڈ ولاگنگ میں آمنہ اشرف  نمایاں رہیں اور انہیں فوڈ کری ایٹر آف دی ایئر کا ایوارڈ ملا، اس کے علاوہ ردا نقاش کو سال کی بہترین انٹرٹینمنٹ کری ایٹر کا اعزاز دیا گیا۔ 

عبدالرحمان نے اپنی ٹرینڈنگ فیشن ویڈیوز کے ساتھ سال کے بہترین بیوٹی اور فیشن کری ایٹر کا ایوارڈ جیتا جبکہ ویڈیو آف دی ایئر کا ایوارڈ محمد ساحل کو ملا۔

جیتنے والوں کا انتخاب ٹک ٹاک کمیونٹی نے ایپ ووٹنگ کے ذریعے کیا، جہاں صارفین نے تمام کیٹیگریز میں اپنے پسندیدہ کری ایٹرز کی حمایت کے لیے اپنا ووٹ کاسٹ کیا اور یہ پوری کارروائی آن لائن کی گئی۔