پاکستان تحریک انصاف ( پی ٹی آئی ) کے سابق رہنما اور ممبر اسمبلی شیر افضل مروت نے معروف صحافی و یوٹیوبر عمران ریاض پر سنگین الزامات عائد کرتے ہوئے کہا ہے کہ ’میں عمران ریاض جیسے ناسور کو بے نقاب کرنا فرض سمجھتا ہوں‘۔

تحریک انصاف (پی ٹی آئی) کے پُرزور حامی سمجھے جانے والے صحافی عمران ریاض حال ہی میں پاکستان چھوڑ کر بیرون ملک منتقل ہوچکے ہیں، پاکستان میں انہیں متعدد بار گرفتاری کا سامنا کرنا پڑا ہے اور اُن کا نام وقتاً فوقتاً ایگزٹ کنٹرول لسٹ (ای سی ایل) میں بھی شامل کیا جاتا رہا ہے، جس کے تحت ملک چھوڑنے پر پابندی عائد ہوتی ہے۔

عمران ریاض خان پاکستان چھوڑ کر کونسے ملک منتقل؟

کچھ اہم ذمہ داریاں ہیں، میں جلد واپس آؤں گا انشاءاللہ، عمران ریاض خان

چند روز قبل تحریک انصاف سے نکالے گئے شیر افضل مروت نے آج عمران ریاض پر سنگین الزامات عائد کرتے ہوئے اُن سے متعلق ہوشرُبا دعوے کیے ہیں۔

میڈیا سے گفتگو کرتے ہوئے شیر افضل مروت نے کہا کہ عمران ریاض نے میرے بارے میں دعویٰ کیا ہے کہ میں علی امین گنڈاپور سے ٹھیکہ مانگ رہا تھا لیکن علی امین گنڈا پور نے تو خود مجھ سے کہا ہے کہ عمران ریاض خود مائنز کا ٹھیکہ مانگنے کئی بار میرے پاس آیا ہے۔

شیر افضل مروت نے کہا کہ میں خود جب بھی وزیراعلیٰ ہاؤس (خیبرپختونخوا) گیا ہوں میں نے عمران ریاض کو وہاں بیھٹے ہوئے پایا ہے، وہاں اسے وزیر اعلیٰ ہاؤس میں رہائش دی گئی تھی۔

’مجھے کیوں نکالا؟‘ قومی اسمبلی میں شیر افضل مروت کا PTI سے سوال

شیر افضل مروت کے نعرے پر حکومتی ارکان نے قہقہے لگائے لیکن پی ٹی آئی اراکین خاموش...

شیرافضل مروت نے دعویٰ کیا کہ عمران ریاض ہیرو بننے کے لیے خود گرفتار ہوا، اس کو ملی بھگت کے ساتھ خاندان سمیت غائب رکھا گیا تھا، اس کی زبان بھی زخمی نہیں ہوئی تھی، اگر زبان کا علاج کرایا ہے تو کہاں سے کرایا، اس کی کوئی تفصیل نہیں دی ہے۔

شیر افضل مروت نے سوال کیا کہ اس بندے (عمران ریاض خان) کے پاس تو ایک موٹرسائیکل بھی نہیں تھا، پھر اس نے اتنے اربوں روپے کہاں سے کمائے؟

انہوںن نے دعویٰ کیا کہ علی امین گنڈاپور کے بقول عمران ریاض خان جنرل (ر) فیض حمید کا دست راس تھا، پی ٹی آئی کے دور میں ایجنسیوں کے ساتھ اس کے بہت گہرے تعلقات تھے۔

شیر افضل کے ٹی وی پر آنے پر پابندی عائد

حکومت نے میرے بیان نشر کرنے پر بھی پابندی لگادی ہے، شیر افضل

شیر افضل مروت نے کہا کہ خچروں کی تصویریں اس نے پہلے سے رکھی ہوئی تھیں اور بعد میں دعویٰ کیا کہ میں خچروں کے ذریعے بھاگا، حکومت اس کو نہ بھاگنے دیتی تو ایک منٹ میں اس کا پاسپورٹ بلاک ہوتا۔

انہوں نے کہا کہ عمران ریاض کو ہدف دیا جاتا ہے کہ ’فلاں‘ کو تخت مشق بنانا ہے، میں نے عمران ریاض کی جائیداد پر ویڈیو بنائی ہے پھر مجھے اس کے اور بہت سارے کارناموں کا علم ہوا ہے جو ایک 2 روز میں میڈیا کے سامنے لے آؤں گا۔

واضح رہے کہ ’پروگرام تو وڑ گیا‘ کے جملے سے مشہور شیر افضل مروت کو بار بار پارٹی ڈسپلن کی خلاف ورزی پر بانی پی ٹی آئی عمران خان نے 12 فروری کو پارٹی سے نکال دیا تھا، انہیں پارٹی کے خلاف بیانات دینے پر پہلے شوکاز نوٹس بھی جاری کیا جا چکا تھا۔

عمران ریاض کو حج پر جانے سے روک دیا گیا، ماجرا کیا؟

عملے نے بتایا عمران ریاض کا نام اب بھی ای سی ایل میں موجود ہے۔

شیر افضل مروت نے پارٹی سے نکالے جانے کے بعد اپنے ردعمل میں لکھا کہ مجھے حالیہ فیصلے سے بہت دکھ ہوا، ایسا محسوس ہوتا ہے کہ ان افراد کی وجہ سے نکالا گیا ہوں جنہوں نے مجھے کبھی پارٹی میں قبول ہی نہیں کیا۔

اُن کا مزید کہنا تھا کہ اگر پارٹی نے اپنے فیصلے پر نظرثانی نہیں کی تو میں اسے عزت سے قبول کروں گا لیکن کبھی رعایت نہیں مانگوں گا تاہم مشکل حالات میں متحد کھڑے رہنے والے پی ٹی آئی لیڈرز اور ورکرز سے یہ ضرور کہوں گا کہ نا انصافی کے خلاف آواز ضرور اٹھائیں۔