اداکارہ خوشی کپورجو اپنی ڈیبیو کے بعد سے ہی توجہ کا مرکز بنی ہوئی ہیں،انہوں نے اپنی پہلی تھیٹر ریلیز ’لوویاپا‘ کے ساتھ شاندار پہچان بنائی ہے۔

اگرچہ انہیں 'نیپو کڈ' کے لیبل کا مستقل سامنا کرنا پڑا لیکن نوجوان اداکارہ نے انڈسٹری کے دباؤ کو اپنی راہ میں رکاوٹ نہیں بننے دیا، دوسروں کے فیصلوں کا جواب دینے کے بجائے، انہوں نے اپنی محنت اور کام کو بولنے دیا۔

اس کا نتیجہ غیر معمولی کامیابی کی صورت میں سامنے آیا، کیونکہ فلم ’لوویاپا‘ کو ناظرین کی بے حد محبت ملی، جو خوشی کپور کے آئی ایم ڈی بی کی مشہور بھارتی شخصیات کی فہرست میں حیرت انگیز اضافے سے بھی ظاہر ہوتا ہے۔

خوشی کپور جو پہلے آئی ایم ڈی بی کی 82 ویں پوزیشن پر تھیں، بڑی چھلانگ لگا کر 20ویں نمبر پر پہنچ گئیں، جس سے فلم کی مقبولیت اور خوشی کپور کی بڑھتی ہوئی شہرت کا اندازہ ہوتا ہے۔

سوشل میڈیا پر ہر چیز شیئر کرنے کے خلاف ہوں، خوشی کپور

لوگ سوشل میڈیا پر اداکاروں کو غیر محفوظ دیکھنا چاہتے ہیں، خوشی کپور

یہ اچانک ترقی نہ صرف فلم کی کامیابی کا ثبوت ہے بلکہ اس بات کو بھی ظاہر کرتی ہے کہ خوشی کی ناظرین سے محبت بڑھ رہی ہے اور لوگ ان کی صلاحیت اور قابلیت کو خاندانی پس منظر سے ہٹ کر پہچان رہے ہیں۔

جہاں زیادہ تر فلمی پس منظر رکھنے والے نئے اداکاروں کو اپنے رشتہ داروں سے مسلسل موازنہ کیے جانے کا سامنا کرنا پڑتا ہے، خوشی کپور یہ ثابت کر رہی ہیں کہ وہ اپنی الگ پہچان بنا سکتی ہیں۔

ان کی سادگی، اپنے فن میں مہارت حاصل کرنے کی لگن اور متاثر کن پرفارمنس دینے کا عزم وہ خاص عناصر ہیں جو انہیں فلمی دنیا میں دوسروں سے منفرد بنا رہے ہیں۔

خوشی کپور کی 'مسٹری مین' کیساتھ سیلفی پر مداح متجسس

مداحوں کیجانب سے کمنٹ سیکشن میں تبصروں اور قیاس آرائیوں کا سلسلہ شروع ہوگیا

’لوویاپا‘ میں خوشی کپور نے جنید خان کے ساتھ اسکرین شیئر کی، جہاں انہوں نے بانی شرما کا کردار ادا کیا، جو ایک خوش مزاج اور پرجوش لڑکی ہے، ان کی دلکش پرفارمنس نے ناقدین اور ناظرین دونوں کو متاثر کیا اور ان کی انڈسٹری میں موجودگی مزید مضبوط ہوگئی۔

مستقبل میں خوشی کپور اپنی اگلی فلم ’نادانیاں‘ کے ذریعے ناظرین کو مزید محظوظ کرنے کے لیے تیار ہیں،اس فلم میں وہ پہلی بار ابراہیم علی خان کے ساتھ نظر آئیں گی اور ان کی شاندار کیمسٹری، خاص طور پر گانے ’عشق میں‘ میں پہلے ہی انٹرنیٹ پر دھوم مچا چکی ہے، جس سے فلم کی آنے والی او ٹی ٹی ریلیز کے لیے جوش و خروش بڑھ گیا ہے۔