جیسے ہی گرمیوں میں درجہ حرارت بڑھتا ہے، گھروں کے آنگن اور کچن میں مکھیوں کی بھنبھناہٹ ایک بڑی پریشانی بن جاتی ہے۔ یہ مکھیاں نہ صرف گھر کے ماحول کو خراب کرتی ہیں بلکہ کچن میں موجود کھانے کو آلودہ کرکے مختلف بیماریوں کا باعث بھی بن سکتی ہیں۔ لہٰذا ان سے نجات حاصل کرنا ضروری ہوتا ہے۔

اگر آپ بھی اپنے گھر میں ان مکھیوں سے تنگ ہیں تو پریشان ہونے کی ضرورت نہیں۔ ذیل میں دیے گئے چند آسان اور مؤثر گھریلو ٹوٹکوں کو آزما کر آپ ان سے چھٹکارا حاصل کر سکتے ہیں۔ یہ ٹوٹکے نہ صرف سادہ ہیں بلکہ آپ کے گھر کو مکھیوں اور بیماریوں سے محفوظ رکھنے میں بھی مددگار ثابت ہوں گے۔

تیز پات کا استعمال

تیز پات مکھیوں اور مچھروں کو دور رکھنے میں مددگار ثابت ہو سکتا ہے۔ اس کے لیے آپ کو ایک بڑا مٹی کا پیالہ لینا ہوگا، جس میں پانچ تیزپات، پانچ کافور، اور دو چمچ نیم یا سرسوں کا تیل ڈال کر اسے جلا دیں۔

اس دوران گھر کی کھڑکیاں اور دروازے بند رکھیں تاکہ دھواں کچن میں پھیل جائے۔ تیز پات کی یہ خوشبو مکھیوں کو بھگا دے گی۔

موٹاپے سے چھٹکارا پانے کیلئے کونسا پھل مفید؟

املوک ایک گرم مزاج پھل ہے

بیکنگ سوڈا اور لیموں

مکھیاں زیادہ تر گندگی اور نمی والی جگہوں پر بسیرا کرتی ہیں، اس لیے کچن کاونٹر، سینک اور ڈسٹ بن کو صاف رکھنا ضروری ہے۔ بیکنگ سوڈا اور لیموں کا استعمال مکھیوں کو بھگانے کے لیے بہترین ہے۔

اس کے لیے کچن کی مختلف جگہوں پر بیکنگ سوڈا چھڑکیں اور اس پر لیموں کا رس ڈال دیں۔ یہ ٹوٹکا نہ صرف مکھیوں کو دور کرے گا بلکہ کچن میں موجود بیکٹیریا اور جراثیم سے بھی حفاظت فراہم کرے گا۔

لہسن کا اسپرے

مکھیوں کو بھگانے کے لیے آپ لہسن کا اسپرے بھی بنا سکتی ہیں، جو ایک قدرتی اور مؤثر طریقہ ہے۔

ایک ثابت کالی مرچ کو تین لہسن کے جووں کے ساتھ پیس کر اسپرے بوتل میں پانی بھر کر شامل کریں اور اچھی طرح ہلا لیں۔ اب اس مکسچر کو کچن کے دروازوں، کھڑکیوں اور کونوں پر چھڑکیں۔

لہسن کی تیز خوشبو مکھیوں کو کچن میں آنے سے روک دے گی۔

یہ آسان گھریلو ٹوٹکے آپ کے گھر کو مکھیوں سے پاک رکھنے اور بیماریوں سے بچاؤ میں مددگار ثابت ہوں گے۔