انسٹنٹ میسجنگ ایپلی کیشن واٹس ایپ نے ایک نئے فیچر کی آزمائش شروع کی ہے جس کے تحت صارفین متعدد تصاویر کو ایک ہی تصویر میں اسٹیکرز کی طرح شیئر کر سکیں گے۔

فی الحال واٹس ایپ پر ایک بار میں صرف ایک تصویر شیئر کرنے کی سہولت ہے، لیکن اس نئے فیچر کے ذریعے صارفین ایک ہی وقت میں کئی تصاویر شیئر کرنے کے قابل ہوں گے۔

واٹس ایپ کی اپ ڈیٹس پر نظر رکھنے والی ویب سائٹ کے مطابق، جب صارفین اسٹیٹس یا اسٹوری میں تصاویر شیئر کرنے کی کوشش کریں گے، تو انہیں نئے آپشنز فراہم کیے جائیں گے۔ ان آپشنز کے تحت صارفین اپنی تصاویر کو ایک ہی تصویر میں ضم کر کے شیئر کر سکیں گے۔

واٹس ایپ پروفائل پر دوسرے سوشل میڈیا اکاونٹس ایڈ کرنا اب ہوا ممکن

آزمائشی مرحلے میں فی الحال انسٹاگرام اکاؤنٹ کا لنک شامل کرنے کی اجازت دی گئی ہے

اس فیچر کے تحت صارفین اپنی مختلف تصاویر کو چھوٹے سائز میں یا دل، ستاروں یا دیگر اسٹیکرز کی طرز پر ایک ہی تصویر میں شامل کر سکیں گے۔ 

یہ فیچر انہیں ایک تصویر میں اپنی متعدد تصاویر کو تخلیقی انداز میں شیئر کرنے کا موقع فراہم کرے گا۔

اس فیچر کا فائدہ یہ ہے کہ صارفین اپنی تصاویر کو مختلف ڈیزائنز کے ساتھ اسٹیکرز کی مانند ایک ہی فریم میں پیش کر سکیں گے، تاہم اس کے لیے انہیں تصاویر کا سائز کم کرنا پڑے گا۔

فی الحال محدود صارفین کو اس فیچر تک رسائی دی گئی ہے، لیکن توقع کی جا رہی ہے کہ جلد ہی مزید صارفین کو بھی اس فیچر تک رسائی حاصل ہو جائے گی۔ قیاس ہے کہ یہ فیچر رواں سال کے وسط تک تمام صارفین کے لیے متعارف کرا دیا جائے گا۔