انسٹنٹ میسیجنگ ایپ واٹس ایپ نے نومبر 2024 میں ایک نیا فیچر متعارف کرایا تھا جس کے تحت وائس میسیجز کو خودکار طور پر تحریر میں تبدیل کیا جا سکتا ہے۔

بعد ازاں، پاکستانی صارفین کو بھی اس فیچر تک رسائی فراہم کی گئی، اور اب تقریباً تمام صارفین اس سہولت سے مستفید ہو رہے ہیں۔ اس فیچر کے ذریعے صارفین وائس میسیجز کو آسانی سے تحریری شکل میں دیکھ سکتے ہیں۔

واٹس ایپ پر متعدد تصاویر اب اسٹیکر بن کر شیئر کرنا ہوا ممکن

فی الحال محدود صارفین کو اس فیچر تک رسائی دی گئی ہے

پاکستانی صارفین کو اس فیچر کے ذریعے چار زبانوں میں موصول ہونے والے وائس میسیجز کو تحریر میں تبدیل کرنے کی سہولت دستیاب ہے، جن میں انگریزی، ہسپانوی، پرتگیزی اور روسی زبان شامل ہیں۔

واٹس ایپ کی انتظامیہ کے مطابق مستقبل میں مزید زبانوں میں وائس میسیجز کو تحریر میں تبدیل کرنے کا آپشن فراہم کیا جائے گا، تاہم اس بارے میں کوئی حتمی تاریخ نہیں بتائی گئی کہ اردو زبان کے وائس میسیجز کو کب تحریر میں تبدیل کیا جا سکے گا۔

اس فیچر کو فعال کرنے کے لیے، صارفین کو واٹس ایپ کی سیٹنگز میں جا کر ‘چیٹس‘ سیکشن میں موجود ‘وائس نوٹس‘ کا آپشن کھولنا ہوگا۔

 وہاں ایک ونڈو کھلے گی جس میں صارف سے یہ پوچھا جائے گا کہ اسے زیادہ تر کس زبان میں وائس نوٹس موصول ہوتے ہیں۔ منتخب کردہ زبان کے بعد یہ فیچر خودکار طور پر آن ہو جائے گا اور موصول ہونے والے تمام وائس میسیجز تحریری صورت میں تبدیل ہو جائیں گے۔

یہ امر واضح رہے کہ فی الحال یہ سہولت صرف انگریزی، پرتگیزی، روسی اور ہسپانوی زبان کے وائس میسیجز کے لیے دستیاب ہے۔