پاکستان

وزیراعظم شہباز شریف اپنے عہدے کی کتنی تنخواہ لیتے ہیں؟

وزیراعظم شہبازشریف اپنے بجلی پانی گیس کے بل اپنی جیب سے ادا کرتے ہیں
Web Desk

وزیراعظم شہباز شریف اپنے عہدے کی کتنی تنخواہ لیتے ہیں؟

وزیراعظم شہبازشریف اپنے بجلی پانی گیس کے بل اپنی جیب سے ادا کرتے ہیں

وزیراعظم شہباز شریف اپنے عہدے کی کتنی تنخواہ لیتے ہیں؟

پاکستان کے 23 ویں وزیراعظم میاں محمد شہباز شریف نے آج تک تنخواہ نہیں لی اور تمام بیرونی دورے اپنے خرچے پر کیے۔

پاکستان مسلم لیگ ن کے آفیشل ٹوئٹر اکاؤنٹ پر ’کیا آپ جانتے ہیں‘ کے عنوان سے سلسلہ وار ٹوئٹس میں موجودہ حکومت کے کچھ فیصلوں سے متعلق بتایا گیا۔

بتایا گیا کہ وزیراعظم شہبازشریف ، وفاقی وزراء اور وزرائے مملکت اور مشیر بغیر تنخواہ کے کام کرتے ہیں اور اپنے بجلی پانی گیس کے بل اپنی جیب سے ادا کرتے ہیں، تمام سرکاری اداروں کے اخرجات میں 15فیصد کمی کردی گئی ہے کوئی آفیسر لگژری گاڑی استعمال نہیں کرے گا۔

یہ بھی بتایا گیا کہ آج تک وزیراعظم شہبازشریف نے تنخواہ نہیں لی اور تمام بیرونی دورے اپنے خرچے پر کیے۔

وزیراعظم کی ہدایت پر کابینہ ارکان سے لگژری گاڑیاں واپس لے لی گئی ہیں اور اب ہر قسم کی گاڑیوں کی خریداری پر پابندی ہے۔

اب پروٹوکول بہت کم وزراء کو ملے گا اور سرکاری تقریبات میں صرف ون ڈش ہوگی، کابینہ ارکان اب اندرون ملک اور بیرون ملک سفر کیلئے اکانومی کلاس میں سفر کریں گے اور بیرون ملک فائیو سٹار ہوٹل میں قیام نہیں کریں گے۔