انفوٹینمنٹ

گلوکارہ اینجی اسٹون کار حادثے میں ہلاک

ان کی بیٹی نے اس خبر کی تصدیق کردی

Web Desk

9 months ago

گلوکارہ اینجی اسٹون کار حادثے میں ہلاک

ان کی بیٹی نے اس خبر کی تصدیق کردی

گریمی ایوارڈز کے لیے نامزد گلوکارہ اینجی اسٹون ایک کار حادثے میں جاں بحق ہو گئیں۔

مشہور گلوکارہ اینچی اسٹون، جن کا اصل نام لاورن براؤن تھا، المناک طور پر ایک حادثے میں جان کی بازی ہار گئیں۔

63 سالہ اینجی اسٹون کو موسیقی کی دنیا میں خاص مقام حاصل تھا اور وہ اپنے ہپ ہاپ گروپ ‘دی سیکوئنس‘ اور مشہور R&B گانوں جیسے ‘وش آئی ڈڈنٹ مس یو‘ کی وجہ سے دنیا بھر میں جانی جاتی تھیں۔

غیر ملکی میڈیا کے مطابق، یہ حادثہ یکم مارچ کو صبح 4 بجے اس وقت پیش آیا جب اینجی اسٹون کی گاڑی الاباما سے اٹلانٹا واپس جا رہی تھی۔

اس دوران ان کی گاڑی کا تصادم ایک 18 پہیوں والے ٹرک سے ہوا، جس کے نتیجے میں یہ المناک حادثہ پیش آیا۔

ان کی بیٹی، 41 سالہ لادی ڈائمنڈ، نے اپنی والدہ کے انتقال کی تصدیق کرتے ہوئے سوشل میڈیا پر لکھا، ’میری ماں اب اس دنیا میں نہیں رہیں۔‘

یاد رہے کہ اینجی اسٹون 18 دسمبر 1961 کو کولمبیا، جنوبی کیرولائنا میں پیدا ہوئیں۔ انہوں نے اپنے کیریئر میں 10 سولو البمز ریلیز کیے اور انہیں تین بار گریمی ایوارڈز کے لیے نامزد کیا گیا۔ گلوکاری کے علاوہ، انہوں نے ٹی وی اور فلم کے میدان میں بھی قدم رکھا اور اپنی صلاحیتوں کا لوہا منوایا۔