چیمپئنز ٹرافی کے پہلے سیمی فائنل میں بھارت نے آسٹریلیا کو 4 وکٹوں سے شکست دے کر فائنل کے لیے کوالیفائی کرلیا۔

چیمپئنز ٹرافی؛ نیوزی لینڈ کو شکست، بھارت کو مسلسل تیسری فتح حاصل

بھارت نے نیوزی لینڈ کو 44 رنز سے شکست دے دی

چیمپیئنز ٹرافی کا پہلا سیمی فائنل دبئی کے کرکٹ اسٹیڈیم میں کھیلا گیا جہاں آسٹریلیا نے بھارت کو جیت کے لیے 265 رنز کا ہدف دیا، جواب میں بھارت نے 265 رنز کا ہدف 49 ویں اوور میں 6 وکٹوں کے نقصان پر پورا کرلیا۔

یوں بھارت نے آسٹریلیا کو 4 وکٹوں سے شکست دے کر پانچویں بار ٹورنامنٹ کے فائنل میں رسائی حاصل کرلی۔

آسٹریلیا کی اننگز

بھارت کے خلاف آسٹریلیا نے ٹاس جیت کر بیٹنگ کا فیصلہ کیا تھا، کینگروز کی جانب سے جارح مزاج اوپننگ بلے باز میٹ شارٹ کے ان فٹ ہونے پر نوجوان بلے باز کوپر کونولی کو ٹیم میں شامل کیا گیا لیکن وہ کھاتہ کھولے بغیر ہی محمد شامی کا شکار بن گئے۔

بھارت کے خلاف ہمیشہ اچھی کارکردگی دکھانے والے دوسرے اوپنر ٹرویس ہیڈ نے 33 گیندوں پر 39 رنز کی جارحانہ اننگز کھیلی، وہ ورون چکرورتی کا شکار بنے، ان کے بعد مارنس لبوشین 29 اور جوش انگلس 11 رنز کے مہمان ثابت ہوئے۔

کوہلی کے پاس ٹنڈولکر کا ریکارڈ توڑنے کی صلاحیت ہے، رکی پونٹنگ

ممتاز بھارتی کھلاڑی کا شاندار کریئر مسلسل نئی بلندیوں کو چھو رہا ہے

کپتان اسٹیو اسمتھ نے اپنی نصف سینچری مکمل کی اور  96 گیندوں پر 73 رنز بناکر آؤٹ ہوئے۔

گلین میکسوئل نے پہلی گیند پر چھکا لگایا اور اگلی ہی گیند پر اکثر پٹیل نے میکسوئل کو کلین بولڈ کرکے کینگروز کی پریشانی میں اضافہ کردیا۔

الیکس کیری نے ذمہ داری کا مظاہرہ کرتے ہوئے نصف سینچری اسکور کی، وہ آخر تک وکٹ پر ڈٹے رہے لیکن بدقسمتی سے نصف سینچری مکمل کرنے کے بعد 61 رنز پر رن آؤٹ ہوگئے۔

بھارت کی جانب سے محمد شامی نے 3، رویندرا جدیجا اور ورون چکرورتی نے 2،2 جبکہ اکشر پٹیل اور ہاردک پانڈیا نے ایک ایک وکٹ حاصل کی۔

بھارت کی اننگز

بھارت کی جانب سے ویرات کوہلی نے ایک بار پھر شاندار کھیل کا مظاہرہ پیش کیا اور 84 رنز کی شاندار اننگز کھیل کر ٹیم کی جیت میں اہم کردار ادا کیا۔

اس کے علاوہ شریاس آئیر 45، کے ایل راہول 42، روہت شرما اور ہاردک پانڈیا نے 28،28 رنز اسکور کیے، جبکہ شمبن گل 8 رنز بنا کر آؤٹ ہوئے۔

آسٹریلیا کی جانب سے ایڈم زمپا اور ناتھ ایلس نے 2،2 جب کہ بین دوارسوئس اور کوپر کونولی کے حصے میں ایک ایک وکٹ آئی۔

بھارتی ٹیم

روہت شرما (کپتان)، شبمن گل، ویرات کوہلی، شریاس ائیر، اکشر پٹیل، کے ایل راہل، ہاردک پانڈیا، رویندرا جدیجہ، محمد شامی، کلدیپ یادیو اور ورون چکرورتی

آسٹریلین ٹیم

اسٹیون اسمتھ (کپتان)،کوپر کونلے، ٹریوس ہیڈ، مارنس لبھوشانے، جوش انگلس، ایلکس کارے، گلین میکس ویل، بین دوارشوئس، ناتھن ایلس، ایڈم زامپا اور تنویر سانگھا

چیمپیئنز ٹرافی فائنل 

واضح رہے کہ ٹورنامنٹ کا دوسرا سیمی فائنل کل لاہور کے قذافی اسٹیڈیم میں نیوزی لینڈ اور جنوبی افریقہ کے درمیان ہوگا۔

جیتنے والی ٹیم کے ساتھ بھارت ایونٹ کا فائنل 9 مارچ بروز اتوار کو دبئی میں کھیلےگا۔