شارٹ ویڈیو شیئرنگ ایپلی کیشن ٹک ٹاک نے یوٹیوب کو مقابلہ دینے کے لیے اپنے ڈیسک ٹاپ ورژن میں متعدد نئے فیچرز متعارف کروا دیے ہیں۔

ٹک ٹاک کے جاری کردہ اعلامیے کے مطابق، ڈیسک ٹاپ ورژن کی کارکردگی کو بہتر بنانے کے لیے کئی فیچرز کا اضافہ کیا گیا ہے، جنہیں مرحلہ وار صارفین کو دستیاب کرایا جائے گا۔

اب ڈیسک ٹاپ ورژن میں بھی ‘ایکسپلور‘ کا ٹیب شامل کر دیا گیا ہے، جب کہ "فار یو" ٹیب کو بھی مزید بہتر بنایا گیا ہے۔

اسی طرح، صارفین ڈیسک ٹاپ ورژن پر یوٹیوب کے مقبول ترین فیچر یعنی گیم کی لائیو اسٹریمز بھی دیکھ سکیں گے۔

ٹک ٹاک نے ڈیسک ٹاپ ورژن کو موبائل ایپ کی طرح آسان اور سادہ بنایا ہے تاکہ صارفین اپنے کمپیوٹر پر بھی اس ایپلی کیشن کا بہترین استعمال کر سکیں۔

یوٹیوب شارٹس میں AI فیچر کا اضافہ ، ویڈیوز بنانا ہوا اور بھی آسان

’ویو 2‘ ایک ٹیکسٹ ٹو ویڈیو جنریٹر ہے

 اس کے علاوہ، ڈیسک ٹاپ ورژن کی لے آؤٹ میں بھی تبدیلی کر کے اسے مزید بہتر بنایا گیا ہے اور نئے فیچرز کی مرحلہ وار فراہمی شروع ہو چکی ہے۔

جہاں ٹک ٹاک اپنے ڈیسک ٹاپ ورژن کو یوٹیوب جیسا بنانے کی کوشش کر رہا ہے، وہیں کمپنی 60 منٹ طویل ویڈیوز اپ لوڈ کرنے کے فیچر کی بھی آزمائش کر رہی ہے۔

یاد رہے کہ ابتدا میں ٹک ٹاک پر صرف ایک منٹ کی ویڈیوز اپ لوڈ کرنے کی اجازت تھی، بعد میں اس دورانیے کو بڑھایا گیا تھا، اور اب امکان ہے کہ جلد ہی تمام صارفین کو 60 منٹ کی ویڈیوز اپ لوڈ کرنے کی سہولت بھی فراہم کر دی جائے گی۔