مشہور ویڈنگ فوٹوگرافر جوزف رادھک نے انکشاف کیا ہے کہ انوشکا شرما اور ویرات کوہلی کی شادی اتنی نجی اور مختصر تھی کی گویا ایک گھر کی تقریب یعنی ہاؤس پارٹی ہو۔

انوشکا شرما اور ویرات کوہلی دسمبر 2017 میں اٹلی میں شادی کے بندھن میں بندھے تھے لیکن انتہائی مشہور شخصیات ہونے کے باوجود ان کی شادی کی تقریب میں صرف 40 افراد شریک ہوئے تھے۔

انوشکا اور ویرات کی شادی کی تصویر دوبارہ وائرل کیوں؟

دونوں کی شادی 11 دسمبر 2017 کو ہوئی تھی

حال ہی میں ویڈنگ فوٹوگرافر جوزف رادھک نے انوشکا اور ویرات کی شادی پر بات کرتے ہوئے کہا کہ ’میری شادی بھی 2017 میں ہوئی تھی اور اسی سال میری ٹیم نے ویرات انوشکا کی شادی کی فوٹوگرافی'۔

انہوں نے بتایا کہ 'سیلیبریٹی جوڑے کی، شادی کی تقریب ایک ہاؤس پارٹی جیسی تھی جو کہ پرفیکٹ تھی جس میں ہر ایک نے انجوائے کیا‘۔

ان کا مزید کہنا تھا کہ 'ویرات اور انوشکا کی شادی گھر کی پارٹی کی طرح محسوس ہوئی، آپ جو بھی بننا چاہتے تھے بن سکتے تھے، اور آپ آرام اور لطف اٹھا سکتے تھے'۔

اس سے قبل ویڈنگ فلم میکر وشال پنجابی نے بھی ویرات اور انوشکا کی شادی کو ’خوبصورت‘ کہا تھا۔

وشال پنجابی نے بتایا تھا کہ انوشکا ویرات کی شادی میں ان کے والدین، خاص کولیگز اور دوستوں سمیت صرف 40 افراد نے شرکت کی تھی۔

انوشکا اور ویرات ’فوٹوگرافرز ’ کے معترف ، قیمتی تحائف بھیج دیے

ویڈیو سوشل میڈیا پر وائرل

یاد رہے کہ انوشکا شرما اور ویرات کوہلی کی پہلی ملاقات 2013 میں ایک ٹی وی کمرشل کی شوٹنگ کے دوران ہوئی جس کے بعد دونوں شخصیات نے اپنے تعلق کو سب سے چھپائے رکھا۔

2017 میں ویرات انوشکا اٹلی میں ایک چھوٹی سی تقریب میں شادی کے بندھن میں بندھے تھے، جوڑے نے جنوری 2021 میں اپنے پہلی اولاد کا استقبال کیا اور بیٹی کا نام وامیکا رکھا جب کہ فروری 2024 میں جوڑے کے ہاں بیٹے آکائے کی پیدائش ہوئی۔