گوتم گمبھیر اور نوجوت سنگھ سدھو نے بھارت کے نیوزی لینڈ کو چار وکٹوں سے شکست دے کر آئی سی سی چیمپئنز ٹرافی 2025 جیتنے کے بعد جشن میں بھرپور شرکت کی۔

جیسے ہی رویندرا جڈیجا نے فاتحانہ شاٹ کھیلا، بھارتی ڈریسنگ روم میں خوشی کی لہر دوڑ گئی۔ اس موقع پر ہاردک پانڈیا، ویرات کوہلی اور شریاس ایر سمیت دیگر کھلاڑیوں کے مختصر انٹرویوز کیے گئے، مگر گمبھیر اور سدھو کا تبادلہ خیال سب سے زیادہ دلچسپ ثابت ہوا۔

بھارت تیسری مرتبہ ICC چیمپئنز ٹرافی کا فاتح بن گیا

چیمپئنز ٹرافی کا فائنل دبئی انٹرنیشنل کرکٹ اسٹیڈیم میں کھیلا گیا

عام طور پر گوتم گمبھیر اپنے جذبات قابو میں رکھتے ہیں، لیکن سدھو انہیں خوشی کا اظہار کرنے پر مجبور کرنے والوں میں شامل نہیں ہیں۔ بھارت کی چیمپئنز ٹرافی جیت کی خوشی ایسی تھی کہ گمبھیر بھی خود کو روک نہ سکے۔

بھارتی کوچ نے میچ کے بعد سدھو کے ساتھ ایک انٹرویو کے دوران اپنے مخصوص انداز میں ایک ’شعر‘ سنا کر اس تاریخی جیت کا خلاصہ کیا۔ انہوں نے سدھو کو چھیڑتے ہوئے ان کا اپنا شعر دہرانے کا کہا، اور جب سدھو نے انہیں موقع دیا، تو گمبھیر نے اسے مکمل کرنے کے لیے سدھو کی مدد چاہی۔

شعر کچھ یوں ہے۔

‘فن کچلنے کا ہنر سیکھئے جناب

سانپوں کے ڈر سے جنگل نہیں چھوڑے جاتے‘

اس کے بعد سدھو نے گمبھیر کو ڈانس کرنے کے لیے مجبور کرنے کی کوشش کی جو دنیا نے شاید ہی کبھی دیکھا ہو ۔

گوتم اڈانی نے جیت کی شادی پر دریا دلی کی مثال قائم کردی

گوتم اڈانی نے شادی پر 10 ہزار کروڑ سماجی کاموں کیلئے عطیہ کردیے

سدھو نے گمبھیر سے کہا کہ براہ کرم آج ایک اور تاریخ رقم کریں۔ میں بطور بڑے بھائی آپ سے درخواست کر رہا ہوں۔ ہمیں کچھ بھنگڑا دکھائیں۔’

مگر گمبھیر نے فوراً انکار کرتے ہوئے کہا، ’ارے نہیں، میں چلا جاؤں گا۔‘

سدھو اور آکاش چوپڑا نے بالآخر گمبھیر کو ایک ہلکی سی حرکت کرنے پر مجبور کر دیا۔ کوچ نے اپنا ہاتھ ہوا میں بلند کر کے سدھو کا ساتھ دیا، جب کہ سدھو نے ’سودا کھرا کھرا‘ گانے پر ڈانس کیا۔

یہ کامیابی گمبھیر کے لیے ایک خاص اہمیت رکھتی ہے، جنہیں راہول ڈریوڈ کے بعد بھارت کا کوچ مقرر کیے جانے کے بعد مشکل وقت کا سامنا کرنا پڑا تھا۔

چیمپئنز ٹرافی فائنل، شعیب اختر کی حیرانی کی وجہ کیا؟

پاکستان اس ٹورنامنٹ کا میزبان تھا

جولائی 2024 میں ذمہ داری سنبھالنے کے بعد، بھارت نے سری لنکا کے خلاف 28 سال بعد اپنی پہلی دو طرفہ ون ڈے سیریز ہاری، پھر نیوزی لینڈ کے خلاف اپنی سرزمین پر 12 سالہ ناقابل شکست ٹیسٹ ریکارڈ ختم کر دیا جب بھارت کو 0-3 سے وائٹ واش کا سامنا کرنا پڑا۔ اس کے بعد آسٹریلیا کے خلاف 1-3 سے بارڈر-گواسکر ٹرافی بھی ہار دی۔

ان کے بارے میں کئی سوالات اٹھائے جا رہے تھے۔ کیا وہ بہتر کوچ ہیں؟ کیا بی سی سی آئی کو انہیں ہٹا دینا چاہیے؟ مداحوں نے بھی انہیں برطرف کرنے اور کسی اور کو کوچ بنانے کا مطالبہ کیا، مگر گمبھیر نے اپنی مہارت ثابت کر دی۔

ورلڈ کپ فاتح نے اپنے کھلاڑیوں، بی سی سی آئی اور مداحوں کے سامنے اپنی قابلیت منوائی اور بھارت کو مسلسل دوسرا آئی سی سی ٹائٹل جتوانے میں اہم کردار ادا کیا۔