انوشکا شرما ایک مشہور بھارتی اداکارہ، ماڈل اور فلم پروڈیوسر ہیں۔ وہ بالی وڈ کی کامیاب ترین اداکاراؤں میں شمار کی جاتی ہیں اور اپنی خوبصورتی، اداکاری کی مہارت اور فطری انداز کے لیے جانی جاتی ہیں۔

1988 کو ایودھیا اترپردیش میں پیدا ہونے والی انوشکا شرما نے اپنے کیرئیر کا آغاز ماڈلنگ سے کیا، ان کے والد اجے کمار شرما ایک فوجی افسر تھے۔

انوشکا کو اسٹیڈیم میں دیکھ کر بھارتیوں کو سانپ سونگھ گیا

بھارتی کرکٹ شائقین کیجانب سے سوشل میڈیا پر تشویش کا اظہار کیا جارہا ہے

یہ بہت کم لوگوں کے ساتھ ہوتا ہے جن کو انڈسٹری میں پہلی ہی فلم ایسی مل جائے تو ریلیز سے پہلے ہی کامیابی کی ضمانت ہو۔

انوشکا شرما کو 2008 میں بالی وڈ کنگ شاہ رخ خان کے ساتھ فلم ’ رب نے بنادی جوڑی‘ ملی جو سپرہٹ ثابت ہوئی اور یوں انوشکا اپنی پہلی ہی فلم میں اپنی شناخت بنانے میں کامیاب ٹھہریں۔

انوشکا شرما کا شمار بالی وڈ کے ان ستاروں میں ہوتا ہے جنہوں نے کم لیکن معیاری فلموں میں کام کیا، ویرات کوہلی کے ساتھ شادی کے بندھن میں بندھنے کے بعد وہ فلم انڈسٹری سے کچھ دور ہوگئیں لیکن اپنی موجودگی کسی نہ کسی طرح سے دکھاتی رہتی ہیں۔

ذیل میں ہم انوشکا شرما کی 5 کامیاب فلموں سے متعلق بات کریں گے۔

پی کے (2014):

’پی کے‘ ایک طنزیہ کامیڈی ڈرامہ فلم ہے جو مذہب، عقیدے اور معاشرتی مسائل پر روشنی ڈالتی ہے، کہانی ایک دوسری دنیا سے آئے شخص (عامر خان) کے گرد گھومتی ہے جو زمین پر آتا ہے لیکن اپنی کمیونیکیشن ڈیوائس کھو بیٹھتا ہے، جس کے بغیر وہ اپنے سیارے پر واپس نہیں جا سکتا، اپنی کھوئی ہوئی چیز کی تلاش میں، وہ مختلف مذاہب اور عقائد کے بارے میں جاننے کی کوشش کرتا ہے اور معاشرتی نظام کی منافقت کو بے نقاب کرتا ہے۔

افغان کرکٹر جسے انوشکا شرما کا شوہر سمجھا گیا

افغانستان کرکٹ ٹیم نے انگلینڈ کو 8 رنز سے شکست دے کر ٹورنامنٹ میں...

اس سفر میں اسے جگت جننی (انوشکا شرما) ملتی ہے، جو ایک آزاد خیال صحافی ہے اور اس کی مدد کرتی ہے۔ دونوں مل کر مذہب کے نام پر دھوکہ دینے والے لوگوں کو بے نقاب کرتے ہیں، خاص طور پر تاپاسوی مہاراج کو، جو پی کے کے ریموٹ کو ایک مقدس شے کے طور پر پیش کرتا ہے۔

فلم میں انوشکا شرما نے ایک صحافی کے طور پر نہایت عمدہ اداکاری کی ہے، اگر چہ فلم کے مرکزی کردار عامر خان تھے لیکن انوشکا کو بھی فلم میں ایک مرکزی کردار کے طور پر ہی جانا گیا تھا۔

این ایچ 10 (2015):

’این ایچ 10‘ ایک سنسنی خیز اور حقیقت پسندانہ فلم ہے، جو 2015 میں ریلیز ہوئی، اس فلم میں انوشکا شرما نے مرکزی کردار ادا کرنے کے ساتھ ساتھ بطور پروڈیوسر بھی کام کیا، جو ان کی پہلی پروڈیوسر فلم تھی،فلم کی کہانی سماجی برائیوں، غیرت کے نام پر قتل اور خواتین کے خلاف تشدد جیسے موضوعات پر مبنی ہے۔

فلم کی کہانی ایک شادی شدہ جوڑے، میرا (انوشکا شرما) اور ارجن (نیل بھوپالم) کے گرد گھومتی ہے، جو ایک پُرسکون زندگی گزار رہے ہوتے ہیں۔ ایک دن، دونوں ہائی وے "نیشنل ہائی وے 10" پر ایک تفریحی ٹرپ کے لیے نکلتے ہیں۔

ہر کوئی انوشکا شرما کا دیوانہ کیوں ؟ جانئے 7 دلچسپ حقائق

بھارتی اداکارہ انوشکا شرما سے محبت کا اظہار صرف فینز ہی نہیں بلکہ بالی وڈ ستارے...

راستے میں، وہ غیرت کے نام پر قتل کی ایک خوفناک واردات کا مشاہدہ کرتے ہیں، جہاں ایک بااثر گینگ ایک لڑکی اور اس کے عاشق کو بے دردی سے قتل کر دیتا ہے۔ ارجن مداخلت کرنے کی کوشش کرتا ہے، لیکن یہ فیصلہ دونوں کے لیے خطرناک ثابت ہوتا ہے۔

قاتل گینگ ان کا پیچھا کرتا ہے، اور یوں میرا اور ارجن ایک زندگی اور موت کی دوڑ میں پھنس جاتے ہیں، جب گینگ کے لوگ ارجن کو زخمی کر دیتے ہیں، تو میرا اپنے شوہر کو بچانے کے لیے ہمت اور بہادری کا مظاہرہ کرتی ہے، انوشکا شرما کی اداکاری، مضبوط اسکرپٹ، اور حقیقت پسندانہ سینز نے اسے ایک یادگار فلم بنا دیا۔

رب نے بنادی جوڑی (2008):

’رب نے بنا دی جوڑی‘ بالی وڈ کی ایک رومانٹک ڈرامہ فلم ہے، جو 2008 میں ریلیز ہوئی، یہ فلم انوشکا شرما کی پہلی فلم تھی، جس میں انہوں نے شاہ رخ خان کے ساتھ مرکزی کردار ادا کیا۔

فلم کی ہدایتکاری آدتیہ چوپڑا نے کی، جو یش راج فلمز کے بینر تلے بنائی گئی، یہ فلم نہ صرف باکس آفس پر کامیاب رہی بلکہ انوشکا شرما کو بطور اداکارہ فلمی دنیا میں ایک مضبوط شناخت بھی ملی۔

انوشکا کی موجودگی میں کوہلی ایک بار پھر بڑی اننگز کھیلنے میں ناکام

ویرات کوہلی محض 2 گیندوں پر ایک رن بنا کر ایل بی ڈبلیو آؤٹ ہوگئے

فلم کی کہانی ایک سادہ، شرمیلے اور معصوم شخص سریندر سہنی (شاہ رخ خان) کے گرد گھومتی ہے، جو ایک سرکاری ملازم ہے۔ ایک حادثے کے بعد، وہ تانی (انوشکا شرما) سے شادی کر لیتا ہے، جو اپنے خوابوں کو قربان کر چکی ہوتی ہے لیکن سوری جانتا ہے کہ تانی اس سے محبت نہیں کرتی۔

اپنی بیوی کو خوش کرنے کے لیے، سوری ایک نیا روپ دھارتا ہے اور خود کو "راج" کے طور پر پیش کرتا ہے، جو ایک پرجوش اور دلکش نوجوان ہوتا ہے، تانی کو راج سے محبت ہو جاتی ہے، مگر وہ یہ نہیں جانتی کہ وہی اس کا شوہر سریندر ہے۔

بینڈ باجا بارات (2010):

’بینڈ باجا بارات‘ ایک رومانٹک کامیڈی فلم ہے، جو 2010 میں ریلیز ہوئی، اس فلم نے انوشکا شرما کے کیریئر کو مزید مضبوط کیا اور رنویر سنگھ کا فلمی ڈیبیو بھی تھا۔

فلم کی کہانی شادیاں منعقد کرنے (ویڈنگ پلاننگ) کی دنیا کے گرد گھومتی ہے اور اسے ناظرین نے بے حد پسند کیا۔

انوشکا شرما کے نئے ہیئر کلر اور اسٹائل کے چرچے

ہیئر اسٹائلسٹ بھی خوشی سے نہال

فلم کی کہانی شروتی (انوشکا شرما) اور بٹو (رنویر سنگھ) کے گرد گھومتی ہے، جو دونوں دہلی کے رہنے والے ہیں اور اپنی زندگی میں کچھ بڑا کرنے کا خواب دیکھتے ہیں۔ شروتی کا خواب ایک کامیاب ویڈنگ پلانر بننا ہے، جبکہ بٹو ایک لاپرواہ لیکن ذہین نوجوان ہے۔

جب دونوں ایک "شادیاں آرگنائز کرنے والی کمپنی" بنانے کا فیصلہ کرتے ہیں، تو وہ مل کر کام کرتے ہیں اور کئی بڑی تقریبات کو کامیابی سے منعقد کرتے ہیں لیکن جیسے ہی ان کے درمیان محبت کا عنصر شامل ہوتا ہے، ان کا کاروبار اور دوستی دونوں مشکلات کا شکار ہو جاتے ہیں۔

فلوری (2017):

’فلوری‘ ایک رومانٹک کامیڈی ڈرامہ فلم ہے، جو 2017 میں ریلیز ہوئی، اس فلم میں انوشکا شرما نے نہ صرف مرکزی کردار ادا کیا بلکہ وہ فلم کی پروڈیوسر بھی تھیں۔ فلم کی کہانی محبت، روحانی عقائد اور ماضی کے جذباتی پہلوؤں پر مبنی ہے، جو ناظرین کو ہنساتی بھی ہے اور رُلاتی بھی۔

فلم کی کہانی کنان (سورج شرما) کے گرد گھومتی ہے، جو کینیڈا سے واپس آ کر اپنی بچپن کی دوست انو (مہرین پیرزادہ) سے شادی کرنے والا ہوتا ہے لیکن جب وہ جانتا ہے کہ وہ "منگلک" (نجومیوں کے مطابق منحوس) ہے، تو اسے شادی سے پہلے ایک درخت سے شادی کرنے کا مشورہ دیا جاتا ہے تاکہ منحوس اثرات ختم ہو جائیں۔

انوشکا، ویرات کی شادی میں کتنے مہمانوں نے شرکت کی؟

سیلیبریٹی جوڑے کی شادی ایک ہاؤس پارٹی جیسی تھی، فوٹوگرافر کا انکشاف

کنان "فلوری" نامی درخت سے شادی کرتا ہے لیکن حیرانی کی بات یہ ہے کہ ششی (انوشکا شرما) نامی ایک روح اس سے چمٹ جاتی ہے، کیونکہ وہ اسی درخت سے جُڑی ہوئی تھی،ششی ایک بھٹکی ہوئی روح ہے جو کنان کی زندگی میں مشکلات پیدا کرتی ہے، لیکن آہستہ آہستہ، اس کی درد بھری ماضی کی کہانی سامنے آتی ہے۔

انوشکا شرما 2018 کے بعد سے فلموں میں نظر نہیں آئیں، کیونکہ وہ اپنی ازدواجی زندگی کو زیادہ اہمیت دینا چاہتی ہیں، وہ اپنے شوہر ویرات کوہلی کو سپورٹ کرنے کے لیے اکثر کرکٹ اسٹیڈیمز میں بھی نظر آتی ہیں۔

اگرچہ اب انوشکا کی فلم انڈسٹری میں واپسی پہلے جیسی نہ ہو لیکن ان کا فلموں میں منفرد انداز، اداکاری ہمیشہ یاد رکھنے جیسی ہے۔