پاکستانی ڈراما انڈسٹری کی اداکارہ اور ماڈل علیزے شاہ کا دعویٰ ہے کہ وہ اپنا مکمل جسم بھی تبدیل کرانے سے نہیں ڈرتیں۔

ایک وقت تھا جب لوگ علیزے شاہ کی بڑی بڑی آنکھیں ، چہرے کی معصومیت اور نازک نین نقش پر مر مٹنےکو تیار ہوجاتے تھے، یہ کہانی اس وقت شروع ہوئی جب علیزے شاہ نے سال 2018 میں ڈرامہ 'عشق تماشا' سے اداکاری کی دنیا میں قدم رکھا اور ہم ٹی وی کا ایوارڈ برائے بیسٹ ٹی وی سینسیشن بھی حاصل کرلیا۔

اور پھر سال 2019 میں ریلیز ہونے والا ڈرامہ عہد وفا ان کے کریئر کے لیے بریک تھرو ثابت ہوا جس میں احد رضا میر کے ساتھ ان کی کیمسٹری خوب جمی۔ بس پھر کیا تھا بڑی بڑی آنکھیں اور چہرے پر معصومیت سجائے علیزے شاہ پورے پاکستان میں مشہور ہوگئیں یہاں تک کہ پڑوسی ملک میں بھی ان کی شہرت کے ڈنکے بجنے لگے۔

علیزے شاہ کو آخر ہو کیا گیا ہے؟ صارفین دنگ

اداکارہ کا حالیہ لُک بھی شدید تنقید کی زد میں

لیکن اس کے بعد مداحوں نے ایک وقت وہ بھی دیکھا جب علیزے شاہ اس شہرت کو قبول نہیں کرپائیں اور پھر لگاتار ان کےحوالے سے تنازعات سامنے آنے لگے جس میں مختصر لباس، نین نقش میں تبدیلی، بولڈ انداز وغیرہ شامل ہے۔

اور اب بس کچھ وائرل ہے تو علیزے شاہ کا فحش انداز اور بے باک بیانات جو انہیں اکثر و بیشتر تنقید کی زد میں لائے رکھتے ہیں۔

قبل ازیں علیزے شاہ جو اپنی نمائش کیلئے انسٹاگرام کا بے تحاشہ استعمال کرتی ہیں ، چند اسٹوریز اپڈیٹ کیں جس میں انہیں ماہ صیام میں مغربی لباس پہنے، پاؤٹ کرتے ہوئے سیلفی ویڈیو بناتے اور شوٹنگ کے لیے تیار ہونے کے دوران جوس پیتے دیکھا  گیا۔

یہ بھی پڑھیں:ویڈیو، علیزے شاہ کے بیلی ڈانس مووز

اور شاید اس بےباکی کو صارفین ہضم نہ کرسکے اور ماہ صیام میں بھی متنازع ویڈیو پوسٹ کرنے پر انہیں تنقید کا نشانہ بنادیا۔

لیکن پھر علیزے بھی تو علیزے شاہ ہیں خاموش بھلا کیسے رہتیں؟ انہوں نے بھی وقت کی بچت کرتے ہوئے  اسٹوری میں لکھ ڈالا کہ ،’روزہ رکھ کر میری سٹوری دیکھنے کی کیا تُک ہے؟’

یہ بیان سوشل میڈیا پر تیزی سے وائرل ہوگیا اور ایک بار پھر علیزے شاہ عوامی تنقید کا نشانہ بن گئیں۔ابھی یہ معاملہ تھما ہی تھا کہ سوشل میڈیا صارفین کی نظروں سے ایک اور ویڈیو کلپ گزرا جس میں علیزے شاہ کو بےباکی اور بولڈنس کی تمام حدیں پار کرتے سنا گیا۔

وائرل ہونے والے مختصر سے ویڈیو کلپ میں علیزے شاہ کو یہ کہتے سنا گیا کہ،’کیونکہ مجھے لگتا ہے کہ میں بے خوف ہوں اور میں اب کچھ بھی کرسکتی ہوں’۔

صرف یہی نہیں بلکہ اداکارہ کا یہ بھی کہنا تھا ،’میں اپنی باڈی بھی تبدیل کرسکتی ہوں’۔

علیزے شاہ کے اس بیان کے بعد سوشل میڈیا صارفین تلملا اٹھے اور کمنٹ سیکشن میں خوب غم و غصے کا اظہار کیا۔

میں بھولنے والوں میں سے نہیں ہوں، علیزے شاہ

اداکارہ نے اپنے من کی کرنے کی ٹھان لی

ایک صارف نے لکھا کہ،’جب اللہ جسم تبدیل کرے گا تو یہ ڈر اور خوف تب ہی ختم ہوگا’۔

ایک اور صارف نے گلوکار مائیکل جیکسن کے الفاظ ذین نشین کراتے ہوئے لکھا کہ،’مائیکل جیکسن کو یاد رکھنا’۔

یاد رہے کہ مائیکل جیکسن وہ شخصیت ہے جس نے خواہش تو 150 سال تک جینے کی کی تھی لیکن محض 50 برس کی عمر میں ہی دنیا سے چل بسا۔