پاکستان کے سینئر ٹینس کھلاڑی طلحہ وحید نے سب سے زیادہ کامیاب ٹینس سروسز کا عالمی ریکارڈ اپنے نام کر لیا۔

گینز ورلڈ ریکارڈ کے مطابق پاکستانی ٹینس کھلاڑی نے 1 منٹ میں 59 کامیاب ٹینس سروسز کروا کر تاریخ رقم کر دی۔

طلحہ وحید مذکورہ ریکارڈ قائم کرنے والے پہلے پاکستانی کھلاڑی ہیں، جنہوں نے یہ کارنامہ سر انجام دیتے ہوئے گنیز ورلڈ ریکارڈ میں اپنا نام درج کروا لیا ہے-

اس سے قبل یہ ریکارڈ امریکی کھلاڑی جان پیری کے پاس تھا، جنہوں نے 2019ء میں 1 منٹ میں 42 کامیاب ٹینس سروسز کی تھیں۔

طلحہ وحید کون؟

طلحہٰ وحید کا شمار پاکستان کے نامور سینئر ٹینس کھلاڑیوں میں ہوتا ہے، انہوں نے 35+، 40+ اور 45+ ڈبلز کیٹیگریز میں کئی قومی ٹائٹل جیتے ہیں اور بین الاقوامی سطح پر پاکستان کی نمائندگی بھی کی ہے۔

ناک سے ٹائپنگ کرنے والے بھارتی شخص نے تیسرا ریکارڈ بھی توڑ دیا

گنیز بک آف ورلڈ ریکارڈ میں تیسری بار نام درج

طلحہ وحید نے یہ گینز بک آف دی ورلڈریکارڈ توڑنے کا عزم اس وقت ظاہر کیا جب انہیں 2019 میں امریکہ کے جان پیری کی جانب سے قائم کردہ 42 کامیاب سروسز کے عالمی ریکارڈ کا علم ہوا۔

اس ہدف کو حاصل کرنے کے لیے طلحہ وحید نے تین ماہ سخت ٹریننگ کی اور ہر تکنیکی پہلو پر کام کیا۔

8 نومبر 2024 کو لاہور میں گنیز ورلڈ ریکارڈز کے مقرر کردہ اصولوں کے مطابق انہوں نے اپنا باضابطہ ریکارڈ بنانے کی کوشش کی اور کامیابی حاصل کی، 10 مارچ 2025 کو گنیز ورلڈ ریکارڈز نے باضابطہ طور پر ان کے نئے ریکارڈ کو تسلیم کرتے ہوئے انہیں عالمی ریکارڈ ہولڈر قرار دے دیا۔

تاریخی کامیابی پر ڈھیروں مبارکباد

طلحہ وحید کو اس تاریخی کامیابی پر پاکستان بھر سے مبارکباد موصول ہونے کا سلسلہ جاری ہے۔

صدر پاکستان ٹینس فیڈریشن (پی ٹی ایف) اعصام الحق قریشی، سیکرٹری جنرل کرنل ضیاء الدین طفیل اور دیگر عہدیداران اور ساتھی کھلاڑیوں نے اس کامیابی کو پاکستان ٹینس کے لیے ایک اہم سنگ میل قرار دیا ہے۔

دبئی میں زیرِتعمیر دنیا کے بلند ترین ہوٹل کا پاکستانی معمار کون؟

یحییٰ جان کا تعلق پاکستان کے شہر کراچی سے ہے۔

اعصام الحق قریشی کا کہنا ہے کہ طلحہ وحید کی کامیابی ایک منفرد کارنامہ ہے اورگینیز بک اف دی ورلڈ میں جگہ بنانا کسی بھی کھلاڑی کے لیے اسان نہیں ہوتا۔

انہوں نے مزید کہا کہ طلحہ وحید کا یہ کارنامہ پاکستان میں ٹینس کی ترقی اور نوجوان کھلاڑیوں کے لیے ایک بڑی تحریک ثابت ہوگا۔

پاکستان ٹینس فیڈریشن کے دیگر عہدیداروں نے بھی اس تاریخی کامیابی پر طلحہ وحید کی حوصلہ افزائی کرتے ہوئے ان کے مستقبل کے لیے نیک تمناؤں کا اظہار کیا ہے۔

اُن کا کہنا ہے کہ یہ کارنامہ پاکستان کے لیے فخر کا لمحہ ہے اور اس سے ملک میں ٹینس کے فروغ میں مزید مدد ملے گی ۔