بالی وڈ اداکار ابھیشیک بچن فلم انڈسٹری میں اپنی ورسٹائل اداکاری کے لیے مشہور ہیں، انہوں نے حال ہی میں اپنی نئی فلم ‘بی ہیپی‘ کی ایک دل کو چھو لینے والی کہانی میں والد اور بیٹی کے رشتہ کو خوبصورت انداز میں پیش کیا۔ 

 فلم میں ابھشیک نے 'شِو' کا کردار ادا کیا ہے، جو ایک محنتی اور محبت کرنے والا والد ہے اور اپنی بیٹی دھارا کے خوابوں کو پورا کرنے میں اس کا ساتھ دیتا ہے۔

امیتابھ نے ابھیشیک بچن کو 'نیپوٹزم' کا شکار قرار دیدیا

ابھیشیک کے حق میں امیتابھ بچن بول پڑے

 دھارا کا خواب ہے کہ وہ ملک کے سب سے بڑے ڈانس ریئلٹی شو میں حصہ لے اور اس سفر میں شِو کو ڈانس کا کوئی تجربہ نہیں ہے مگر وہ اپنی بیٹی کی حمایت کے لیے خود ڈانس سیکھتا ہے جس سے ان کے رشتہ کی گہرائی اور محبت مزید نکھر کر آتی ہے۔

فلم کے بعد ابھشیک بچن نے اپنی ذاتی زندگی میں بھی  اپنے بطور والد  ہونے والے تجربات کے حوالے سے بھی مداحوں سے  کھل کر بات کی۔

اپنے  انٹرویو میں ابھیشیک بچن کا کہنا تھا کہ  ‘جب سے وہ بیٹی کے والد بنے ہیں، انہوں نے اپنے کاموں اور پروجیکٹس کے انتخاب میں احتیاط برتی ہے‘۔ 

ابھیشیک کا کہنا تھا کہ ‘وہ ایسی فلموں میں کام کرنا پسند کرتے ہیں جنہیں وہ اپنی بیٹی آرادھیا کے ساتھ دیکھ سکیں، اس لیے وہ ایسے پروجیکٹس سے گریز کرتے ہیں جن میں جنسی مواد یا زیادہ قابل اعتراض مواد ہو کیونکہ وہ نہیں چاہتے کہ ان کی بیٹی ان کی فلموں کو دیکھ کر اَن کمفرٹیبکل ہو‘۔

ابھیشیک بچن کو بینک سے 21.6 کروڑ روپے کیوں ملے؟

یہ معاہدہ ابھیشیک بچن کی بزنس ذہانت اور مالی صلاحیتوں کا عکاس ہے

ابھیشیک کے انٹرویو کی کلپ دیکھتے ہی دیکھتے سوشل میڈیا پر وائرل ہوگئی جس کے کمنٹ سیکشن مین مداح بطور  والد کے اپنی بیٹی کے ابھشیک  کےجذبات اور نظریات کی تعریف کرتے نظر آرہے ہیں۔

واضح رہے کہ اداکار ابھشیک بچن  کی حالیہ فلم 'بی ہیپی' 14 مارچ 2025 کو ہولی کے موقع پر او ٹی ٹی پلیٹ فارم ایمیزون پرائم ویڈیو پر ریلیز ہوئی۔ 

اس فلم میں اداکارہ  نورا فتیحی، جانی لیور، اور ہارلین سیٹھی جیسے معروف اداکاروں نے بھی اہم کردار ادا کیے ہیں، فلم کی ہدایت کاری ریمو ڈسوزا نے کی ہے، اور یہ ایک جذباتی کہانی ہے جو عزم، محبت اور خاندانی حمایت کو اجاگر کرتی ہے۔