پاکستانی شوبز انڈسٹری کی آن اسکرین ہردلعزیز جوڑی فواد خان اور ماہرہ خان کے اوور دا ٹاپ (او ٹی ٹی) پلیٹ فارم نیٹ فلکس پر جلوہ گر ہونے کی خبریں گردش کرنے لگیں۔

ایک رپورٹ کے مطابق نیٹ فلکس کیلئے پہلا اردو ڈرامہ تیار کیا جارہا ہے جس میں فواد خان اور ماہرہ خان کے علاوہ پاکستانی شوبز انڈسٹری کی چُلبُلی اداکارہ ہانیہ عامر اور ہردلعزیز اداکار حمزہ علی عباسی بھی اپنی اداکاری کے جوہر دکھاتے نظر آئیں گے۔

یہ ڈرامہ معروف مصنفہ فرحت اشتیاق کے ناول ’جو بچے ہیں سنگ سمیٹ لو‘ کی کہانی پر مبنی ہے۔

خیال رہے کہ فرحت اشتیاق کے ناول پر بننے والا یہ پہلا ڈرامہ نہیں بلکہ اس سے قبل بھی مصنفہ کے قلم سے ’ہمسفر‘ ، میرے ہمدم میرے دوست‘ اور ’متاعِ جان ہے تو‘ جیسے بلاک بسٹر ڈرامے تخلیق پاچکے ہیں۔

سونم کپور ایک بار پھر فواد خان سے ملنے کی منتظر

سونم کپور کے ایک کمنٹ نے عوام کی ساری توجّہ اپنی طرف مرکوز کر لی

فرحت اشتیاق کے ماضی کے سپر ہٹ ڈرامے ’ہمسفر‘ کا سحر آج تک شائقینِ ڈرامہ پر طاری ہے اور اسی سبب ڈرامہ ’جو بچے ہیں سنگ سمیٹ لو‘ کی کاسٹ میں فواد خان اور ماہرہ خان کا نام سنتے ہی عوام اس ڈرامے کا بے صبری سے انتظار کرنے لگ گئی ہے۔

ماہرہ خان کے پینٹ سوٹ میں ‘دیسی ڈانس‘ کے بھارت میں بھی چرچے

پاکستانی سُپر اسٹار ماہرہ خان کے دلکش لباس میں دیسی ڈانس کی ویڈیو بھارت  میں بھی...

یہ ڈرامہ معروف ہدایتکار و پروڈیوسر مومنہ درید کی پیشکش ہے جس کی کاسٹ کے حوالے سے کافی عرصے سے کئی اداکار و اداکاراؤں کے نام سامنے آرہے تھے، تاہم اب اس کی کاسٹ میں فواد خان، حمزہ علی عباسی، ماہرہ خان اور ہانیہ عامر کے نام شامل ہونے کے دعوے کیے جارہے ہیں۔