محبت سب سے بڑی نعمتوں میں سے ایک ہے اور شادی اس محبت کے سفر میں ایک اہم موڑ ثابت ہوتی ہے لیکن محبت کا راستہ ہمیشہ ہنسی خوشی اور گرم جوشی سے بھرا نہیں ہوتا، ہرشاد اور مرودلا کی کہانی بھی ایسی ہی تھی لیکن ان کی اگلی نسل نے ان کے خواب کو حقیقت میں بدل دیا۔

ثمینہ کیساتھ گھر سے بھاگ کر نکاح کیا، عثمان پیرزادہ

شادی کیلئے پہلے کس نے پروپوز کیا؟

ہرشاد اور مرودلا کی زندگی بھر کی خواہش اپنے پورے خاندان کی موجودگی میں شادی کرنے کی تھی اور یہ خواب 64 سال بعد پورا ہوا۔

انہوں نے ہمیشہ ایک خوبصورت اور روشن ماحول میں اپنے پیاروں کی موجودگی میں شادی کرنے کا خواب دیکھا تھا لیکن 1961 میں جب وہ پہلی بار شادی کے بندھن میں بندھے تو یہ ایک دور کی بات لگ رہی تھی۔

خفیہ محبت اور خاندان کی مخالفت

میڈیا رپورٹ کے مطابق، ہرشاد اور مرودلا کی محبت کی کہانی اس وقت شروع ہوئی جب وہ نوعمر تھے، وہ دھنا سُتھر میں رہتے تھے، جہاں ان کی پہلی ملاقات ہوئی اور وہ ایک دوسرے کے قریب آگئے۔

وہ روشنیوں کو جلا بجھا کر ایک دوسرے کو اشارے دیتے اور اپنے دوستوں کی مدد سے خط و کتابت کرتے۔

وہ مشہور بھارتی شخصیات جنہوں نے شادی نہیں کی

کئی شخصیات تنہا ہی زندگی گزار کر راہیء عدم ہوگئیں۔

تاہم ان کی محبت کو بین المذاہب تعلقات کی وجہ سے سخت مخالفت کا سامنا کرنا پڑا، مرودلا ایک برہمن خاندان سے تعلق رکھتی تھیں جبکہ ہرشاد جین کمیونٹی سے تھے۔

دونوں کے خاندان ان پر مسلسل محبت کو چھوڑنے کے لیے دباؤ ڈال رہے تھے لیکن وہ اپنے فیصلے پر قائم رہے اور بھاگ کر شادی کرنے کا فیصلہ کیا۔

1961 میں خفیہ شادی

1961 میں، مرودلا اور ہرشاد نے صرف چار قریبی دوستوں کی موجودگی میں خاموشی سے شادی کر لی، ان کی شادی آریہ سماج مندر میں انجام پائی کیونکہ مرودلا کے خاندان نے ہرشاد سے ان کی شادی کی سخت مخالفت کی تھی۔

شادی کے بعد مرودلا کے کچھ خاندان والے ابھی بھی ان سے ناراض رہے جبکہ ہرشاد کے گھر والوں نے جلد ہی انہیں قبول کر لیا۔

مرودلا کے بھانجے درشن جانی اور ان کی بیوی ستی نے ان کی خواہش کو پورا کرنے میں اہم کردار ادا کیا، درشن نے بتایا کہ وہ 35 سال کے تھے جب انہیں معلوم ہوا کہ ان کی ایک ماں جیسی خالہ بھی ہیں۔

شکتی کپور کیلئےاپنا کریئر قربان کرنیوالی شیوانجی کولہا پوری کون؟

دونوں کو شادی کیلئے خاندان کی مخالفت جھیلنی اور کورٹ میرج کرنی پڑی۔

ایک دن جب وہ اپنی خالہ سے بات کر رہے تھے تو مرودلا نے بتایا کہ انہوں نے صرف 10 روپے کی ساڑھی پہن کر شادی کی تھی، بعد میں انہیں اپنا سونا بھی بیچنا پڑا۔

درشن کی بیوی، ستی، نے مرودلا کی اداسی محسوس کی اور فیصلہ کیا کہ وہ انہیں روایتی رسومات کے ساتھ دوبارہ شادی کرائیں گے۔

دوبارہ شادی کی شاندار تقریب

درشن اور ستی نے ہرشاد اور مرودلا کی شادی کی تمام تیاریاں کیں اور مرودلا کا "کنیا دان" بھی ادا کیا، اس خوشی کے موقع پر، مرودلا نے جذباتی ہوتے ہوئے کہا کہ میرے بھانجے نے میرے والدین کا کردار ادا کیا اور اس سے بڑی دعا اور کیا ہو سکتی ہے، میں دو دن تک خوشی سے ناچتی اور گاتی رہی اور جب میں نے اپنے شوہر کا ہاتھ پکڑا، تو ایسا لگا جیسے میرا خواب حقیقت بن گیا ہو، مجھے اس سے زیادہ کچھ نہیں چاہیے تھا۔