بھارتی اداکارہ حنا خان نے کینسر میں اپنے بالوں سے محروم ہونے کے بعد پہلی بار بنا ویگ لگائے  اپنے اصل بالوں کیساتھ ریڈ کارپٹ پر شرکت کرکے بہادری کا ایک اور ثبوت پیش کردیا۔

ڈراما سیریل ’یہ رشتہ کیا کہلاتا ہے’ کی اداکارہ حنا خان حال ہی میں ماہ صیام کے بابرکت دنوں میں عمرہ ادائیگی کیلئے مکہ مکرمہ اور مدینہ منورہ میں موجود تھیں جہاں سے ہر لمحے دلکش جھلکیاں سوشل میڈیا کی زینت بناتے ہوئے فینز کیساتھ جڑی ہوئی تھیں۔

اب انہوں نے عمرہ ادائیگی کے بعد وطن واپس آکر اپنے کام پر واپسی کرلی ہے اور گزشتہ شب  او ٹی ٹی ایوارڈز 2025 کے ریڈ کارپٹ پر شاندار انداز میں جلوہ گر ہو کر سب کی توجہ کا مرکز بھی بن گئی ہیں۔

حنا خان کی روضہ رسولﷺ کے سامنے افطار کی تمنا پوری

روضہ رسولﷺ کے سامنے روزہ افطار کرنے کے روح پرور لمحات

حالانکہ گزشتہ سال جب اداکارہ کو اسٹیچ تھری بریسٹ کینسر کی تشخیص ہوئی تو انہوں نے ہمت اور حوصلے کا دامن تھامتے ہوئے اپنی پوری جرنی کو فینز کیساتھ شیئر کرنے کی ٹھان لی اور اسی دن سے وہ ہر مشکل اور تکلیف دہ مراحل سے گزرنے کے لمحات کو بھی سوشل میڈیا کی زینت بنارہی ہیں۔

اس دوران وہ لمحہ بھی آیا جب اداکارہ کو اپنے سر کے تمام بال منڈوانے پڑے لیکن انہوں نے اسی بالوں کو محفوظ کرکے ویگ کی صورت میں دوبارہ استعمال کرنا شروع کردیا   اور مثبت پیغامات پھیلا کر  حنا نے ہر لمحہ ثابت کیا کہ وہ ایک حقیقی فائٹر ہیں ۔

تاہم اب پہلی بار انہیں بنا ویگ کے انکے اصل بالوں میں دیکھ کر فینز دنگ رہ گئے۔یہ اپیئرنس انکی او ٹی ٹی ایوارڈز 2025 کے ریڈ کارپٹ پر تھی جہاں وہ  نہایت خوبصورت اور پُراعتماد نظر آئیں۔

اس شرکت کیلئے اداکارہ نے سیاہ لباس کا انتخاب کیا جسکے ساتھ ہائی پمپی ہیل اور نیٹ ٹائز کیساتھ اپنے لُک کومکمل کرکے میڈیا کے سامنے اپنے قدرتی بالوں اور مثبت توانائی اور ہمت کے ساتھ خود کو پیش کیا، جس سے ان کے مداح بےحد متاثر ہوئے۔

حنا خان کا ’جگنی’ لُک فینز کے دلوں پر وار کرگیا

اداکارہ نے اپنی صحت کے حوالے سے اپڈیٹ فراہم کردیں

دوران فوٹوگرافی اداکارہ نے پاپارازیوں سے سوال پوچھا کہ ،’کیسی لگ رہی ہوں؟ جس پر فوٹوگرافرز نے جواب دیا،اچھی لگ رہی ہیں میم۔’

اپنی تعریف سننے کے بعد حنا خان نے مزاحیہ انداز میں بتایا کہ  ابھی بس اتنے ہی بال آئے ہیں۔ تو کیا میں اچھی لگ رہی ہوں نا؟ جس پر سب نے ہاں میں جواب دیا۔

ایک بار پھر تعریف سننے کے بعد اداکارہ حنا خان نے وہاں موجود تمام پاپارازیوں کا تہہ دل سے شکریہ ادا کیا۔

واضح رہے کہ اس تقریب میں اداکارہ حنا خان کو  'پرومسنگ ایکٹر (فی میل)' کے اعزاز سے نوازا گیا ہے جو انکی قابلیت کا منہ بولتا ثبوت ہے۔

ایوارڈ وصولی کے بعد اداکارہ کا اظہار تشکر:

دوسری جانب حنا خان نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں ایوارڈ وصولی کی مختصر ویڈیو کلپ شامل تھی۔

اس لمحے کو انسٹاگرام کی زینت بناتے ہوئے اداکارہ نے کیپشن میں لکھا کہ،‘میں نے اپنے 16 سالہ کیریئر میں بے شمار ایوارڈز جیتے ہیں، لیکن میں نے کبھی کسی جیت کی تقریر یا اسٹیج پر ہونے والی گفتگو کو شیئر نہیں کیا۔ مگر یہ ایوارڈ میرے لیے بہت خاص ہے۔’

حنا خان بتاتی ہیں کہ،’ کیونکہ جب میں 'گھرلکشمی' کی شوٹنگ کر رہی تھی، تو میں ایک مشکل وقت سے گزر رہی تھی، اور اس کے بعد بھی بہت کچھ ہوا۔ یہ 'گھرلکشمی' کے لیے پہلا ایوارڈ ہے’۔

اداکارہ نے گھر لکشمی کی ٹیم ، کاسٹ اور عملے کی کاوشوں کو سراہتے ہوئے تمام لوگوں کا تعریف کی اور شکریہ ادا کیا جن کی محنت کے سبب اداکارہ آج اس مقام پر ہیں۔