بالی وڈ کے سلطان سلمان خان کی فلم ‘سکندر‘ کا موسٹ اوویٹڈ  ٹریلر آخرکار  مداحوں کیلئے تمام سوشل میڈیا پلیٹ فارمز پر ریلیز کر دیا گیا ہے۔

'سکندر' فلم میں عمران ہاشمی کے مداحوں کیلئے بڑا سرپرائز

سلمان خان کی فلم ’سکندر‘ اس عید پر ریلیز ہونے جارہی ہے

ٹریلر میں دیکھا جاسکتا ہے کہ سلمان خان کی فلم 'سکندر'  ایک ایکشن انٹرٹینر فلم ہے جس کی ہدایتکاری اے آر مرگدوس نے کی ہے۔

 فلم کی ریلیز میں اب صرف ایک ہفتہ باقی ہے اور مداح سلمان خان کے ایکشن اور ماس اوتار کو دیکھنے کے لیے بے حد پرجوش ہیں۔

بات کی جائے سکندر کے ٹریلر کی تو 23 مارچ کو سلمان خان اور رشمیکا مندانا فلم ‘سکندر‘ کا ٹریلر ایک خصوصی ایونٹ میں ریلیز کیا گیا تھا۔

جس کے فوراً بعد ٹریلر مداحوں پر  اپنا سحر قائم کرنے میں کامیاب ہوا اور کئی سوشل میڈیا  صارفین نے اسے پہلے سے ہی بلاک بسٹر قرار دے دیا۔

ایک صارف نےٹریلر کے حوالے سے اپنی رائے دیتے ہوئے کہا کہ ‘اس عید پر زبردست پٹاخے پھوٹنے والے ہیں کیونکہ بھائی آرہے ہیں، اب جو ہوگا وہ سکندر کا مقدر ہوگا’۔ 

ایک اور پرجوش صارف کا کہنا تھا کہ ‘اللہ کی قسم مجھے گُوز بمپس آ گئے، میرا پہلا ری ایکشن تھا او مائی گاڈ کیونکہ یہ فلم ناقابل یقین حد تک انٹرٹیننگ ہے‘۔

’سکندر’ کی انٹری سین سے متعلق ہدایتکار کا اہم انکشاف

فلم ’سکندر’ میں انٹری سین ایک خاص لمحہ ہوگا

ایک اور صارف نے ٹریلر کی تعریف کرتے ہوئے کہا کہ ‘واہ کیا ٹریلر ہے سکندر کا، ایکشن، رومانس، جذبات اور پاور سے بھرپور کہانی، سلمان خان کا ہر سین گُوز بمپس لارہا ہے، سچ کہوں تو یہ فلم سب سے بڑی بلاک بسٹر فلم ہوگی۔

ایک اور صارف نے ہدایت کار اے آر مرگدوس کی تعریف کرتے ہوئے لکھا کہ ‘انہوں نے مداحوں کے لیے سکندر کی صورت میں ایک مکمل انٹرٹیننگ پیکج تیار کیا ہے جو مکمل طور پر سلمان خان کے تمام ٹریڈ مارک عناصر سے بھرپور ہے‘۔

واضح رہے کہ فلم ‘سکندر‘ میں اداکارہ رشمیکا مندانا مرکزی کردار ادا کر رہی ہیں اور فلم کے دیگر اہم اداکاروں میں کاجل اگروال، پراتیک ببر، ستھیراج، شرمان جوشی اور انجنی دھاون شامل ہیں۔

 یہ فلم ساجد ندیادوالا کی پروڈکشن ہے اور 30 مارچ 2025 کو عید کے موقع پر سینما گھروں میں ریلیز ہوگی۔