انفوٹینمنٹ

کرینہ کپور کا ’ہیرو‘ کون ؟ تصویر جاری

Web Desk

3 years ago

کرینہ کپور کا ’ہیرو‘ کون ؟ تصویر جاری

بھارتی معروف اداکارہ کرینہ کپور نے اپنے ’ہیرو‘ کے ہمراہ تصویر جاری کر کے مداحوں کی توجہ اپنی جانب مبذول کروالی۔

بولی وڈ کی مقبول ترین فلم ’جب وی میٹ‘ میں ’گیت‘ جیسے کردار کو امر کرنے والی اداکارہ کرینہ کپور نے فوٹو اینڈ ویڈیو شئیرنگ ایپ انسٹاگرام پر ایک تصویر جاری کی ہے جس میں وہ اٹلی کی ایک سر سبز و شاداب وادی میں اپنے ’ہیرو‘ سیف علی خان کے ہمراہ کھڑی ہیں۔

مذکورہ تصویر میں جہاں کرینہ اور سیف کے عقب میں دنیا کا بلند ترین پہاڑی سلسلہ ’ایلپس‘ کے دلکش قدرتی مناظر دکھائی دے رہے ہیں، وہیں پیچھے ایک بینچ پر ان کے بیٹے تیمور علی خان اور بینچ کے آگے گھاس پر جہانگیر علی خان کو بیٹھے بھی دیکھا جاسکتا ہے۔

اداکارہ نے اپنی اس تصویر کے ساتھ لکھا کہ ’زلفیں اُڑ رہی ہیں، ہیرو میرے برابر میں ہے، عقب میں ایلپس ہے، شوٹ کیلئے تیار ہوں۔‘

کرینہ کپور نے اپنی جاری کی گئی اس تصویر میں سفید شرٹ اور ٹراؤزر کے ساتھ سیاہ کراس باڈی بیگ بھی لیا ہوا ہے، جبکہ سیف علی خان سرخ شرٹ اور خاکی شارٹس میں، آنکھوں پر سیاہ عینک لگائے پوز دے رہے ہیں۔

واضح رہے کہ کرینہ کپور رواں ماہ چھٹیاں منانے بیرونِ ملک گئی ہوئی ہیں اور اٹلی سے قبل وہ لندن کے سیاحتی اور تفریحی مقامات سے لطف اندوز ہوتے ہوئے تصاویر جاری کر رہی تھیں۔