ٹک ٹاک نے اپنے ایک متنازع فلٹر کو ایپلیکیشن سے ہٹا دیاجو صارفین کی تصاویر کو اس طرح تبدیل کرتا تھا کہ وہ زیادہ وزنی نظر آئیں۔

اس فلٹر کو استعمال کرنے والی زیادہ تر ویڈیوز کا انداز ایک جیسا تھا، پہلے صارف کی اصل، بغیر ترمیم کی گئی تصویر دکھائی جاتی، پھر ‘چبی فلٹر‘ آہستہ آہستہ اس کی جسمانی ساخت میں تبدیلی لاتا، اور پس منظر میں امریکی گلوکارہ ڈوچی کا گانا ‘Anxiety‘ بجتا۔

جب ان ویڈیوز کی تعداد میں اضافہ ہوا تو صارفین کی جانب سے شدید ردعمل سامنے آیا۔ بہت سے لوگوں نے اسے ‘باڈی شیمنگ‘ یعنی جسمانی ساخت پر شرمندہ کرنے کے مترادف قرار دیا۔ 

سیکیورٹی بڑھانے کے لیے ٹک ٹاک کا نیا چیک اپ فیچر لانچ

صارفین کو مختلف آپشنز میں جانے کی ضرورت نہیں پڑے گی

ایک صارف نے تبصرہ کیا، ‘یہ ٹرینڈ لوگوں کو کمتر محسوس کرانے جیسا ہے۔‘

ٹک ٹاک کی معروف صارف ‘Sadiebass16‘ نے بھی اس فلٹر پر تنقید کرتے ہوئے کہا، ‘سوچیں کہ آپ اس ایپ پر صرف موجود ہونا چاہتے ہیں، اور پھر دیکھتے ہیں کہ ہزاروں لوگ ایک ایسا فلٹر استعمال کر رہے ہیں جو آپ جیسے جسم کو منفی انداز میں ظاہر کرتا ہے۔ اور تبصرے آتے ہیں کہ 'اوہ، یہ کیسا ہو گا؟'۔ بہت سے لوگ اس کا اندازہ کر سکتے ہیں کیونکہ وہ اسی جسم کے ساتھ جی رہے ہیں۔‘

نوجوانوں کے لیے ایک صحت و تندرستی کی ایپ ‘Luna‘ نے بھی فلٹر کو تنقید کا نشانہ بنایا اور کہا کہ یہ ‘غیر صحت مند خوبصورتی کے معیارات کو فروغ دیتا ہے۔‘