رواں ماہ کے اوائل میں بھارتی شہر بنگلورو کے ایئرپورٹ پر 14.8 کلو گرام سونے کے ساتھ گرفتار کنڑا اداکار رانیا راؤ نے اعتراف کیا ہے کہ سونے کی خریداری کے لیے استعمال ہونے والی رقم کو حوالہ چینلز کے ذریعے منتقل کیا گیا تھا۔

یہ بات انسداد اسمگلنگ ایجنسی ڈی آر آئی نے منگل کو سماعت کےدوران عدالت کو بتائی۔

سونا اسمگلنگ، گرفتاری کے بعد رانیا راؤ نے پولیس کو کیا بیان دیا؟

اس دوران تین بڑے بکس بھی قبضے میں لیے گئے

رانیا راؤ کی ضمانت کی درخواست کی سماعت کے دوران، ڈی آر آئی کی نمائندگی کرنے والے ایڈوکیٹ مدھو راؤ نے کہا کہ حکام نے اداکارہ کے خلاف عدالتی انکوائری شروع کرنے کے لیے دفعہ 108 کے تحت نوٹس جاری کیا ہے۔

تحقیقات کا مقصد مالی بے ضابطگیوں کی حد اور قانون کی کسی ممکنہ خلاف ورزی کا تعین کرنا ہے۔

رانیا راؤ کی ضمانت کی درخواست کو اب تک دو بار مسترد کیا جا چکا ہے، ایک بار نچلی عدالت اور دوسری خصوصی عدالت برائے اقتصادی جرائم سے، تازہ ترین ضمانت کی درخواست کی سماعت میں دلائل مکمل ہو چکے ہیں، اور عدالت نے 27 مارچ کے لیے فیصلہ محفوظ کر لیا ہے۔

3 مارچ کو، 31 سالہ نوجوان اداکارہ کو بنگلورو کے کیمپے گوڑا انٹرنیشنل ایئرپورٹ پر گرفتار کیا گیا تھا جہاں حکام نے اداکارہ سے 12.56 کروڑ روپے مالیت کا سونا ضبط کیا تھا۔

بھارتی اداکارہ 14کلو سونا اسمگل کرنے کے الزام میں گرفتار

انہوں نے کئی ساؤتھ انڈین فلموں میں بھی اپنی اداکاری کے جوہر دکھائے ہیں

مبینہ طور پر ان کی رہائش گاہ کی تلاشی کے نتیجے میں مزید 2.06 کروڑ روپے مالیت کے سونے کے زیورات اور 2.67 کروڑ روپے کی بھارتی کرنسی برآمد ہوئی۔

مشکوک ٹریول ہسٹری

سونے کی اسمگلنگ کیس میں رانیا راؤ کے اعتراف سے متعلق ڈی آر آئی کا بڑا دعویٰ اس پیش رفت کے کچھ دن بعد سامنے آیا جب ایجنسی نے دعویٰ کیا تھا کہ اس کے پاس اداکارہ اور ان کے دوست ترون راجو کے دبئی کے 26 دورے کرنے کے ثبوت موجود ہیں، جس میں وہ صبح جا کر شام کو واپس آجاتے تھے۔

ترون رانیا کے اداکار دوست ہیں اور سونے کی اسمگلنگ کے اس کیس میں ملزم ہیں۔ حکام نے انکشاف کیا تھا کہ رانیا نے ترون کے اکاؤنٹ میں رقم بھیجی اور اس کا ٹکٹ بک کروایا، جو پھر دبئی سے حیدرآباد چلا گیا۔

یہ شبہ ہے کہ یہ اکثر اور ایک ہی دن کے واپسی کے کیے جانے والے دوروں کو بھارت میں سونا اسمگل کرنے کے لیے استعمال کیا جاتا تھا۔

’سونے کی اسمگلنگ‘، انڈیا میں افغان قونصل جنرل عہدے سے مستعفی

25 کلو سونا اسمگل کرنے کے الزام کے بعد افغان قونصل جنرل نے استعفیٰ دے دیا

ایک اور مشکوک سفری تفصیل جس نے شبہات پیدا ہوئے رانیا راؤ کے 2023 اور 2025 کے درمیان دبئی کے 52 دورے تھے، جن میں سے 45 ایک ہی دن کا دورہ تھا۔

صرف جنوری 2025 میں رانیا راؤ نے بنگلورو، گوا اور ممبئی سے گزرتے ہوئے 27 بار دبئی کا دورہ کیا۔

رانیا راؤ سے تحقیقات 

رانیا راؤ کو 3 مارچ کو بنگلورو ہوائی اڈے سے گرفتار کیا گیا تھا جب مکمل ذاتی تلاشی کے بعد اس کی کمر اور جسم کے دیگر حصوں کے گرد بینڈیجز اور ٹشوز سے لپیٹی گئی سونے کی سلاخیں ملی تھیں۔

اس کے علاوہ ان کے جوتوں اور اگلی جیبوں سے سونے کی اضافی سلاخیں اور کٹے ہوئے ٹکڑے بھی ملے تھے۔

برآمد کیا گیا سونا 24 قیراط کا تھا جس کا وزن 14.2 کلو تھا اور اس کی قیمت 12.56 کروڑ روپے سے زیادہ ہے، اس سلسلے میں رانیا راؤ کے خلاف کسٹمز ایکٹ اور اسمگلنگ کی روک تھام کے قانون کے تحت مقدمہ درج کیا گیا ہے۔

منشیات اسمگلنگ، بھارتی فلم پروڈیوسر گرفتار

بھارت میں نارکوٹکس کنٹرول ڈیپارٹمنٹ نے دو ہزار کروڑ کی منشیات اسمگلنگ کے الزام...

اداکارہ کی مدد کرنے والے پروٹوکول افسر نے تفتیشی افسران کو بتایا تھا کہ اس نے ایسا ڈی جی پی رام چندر راؤ کی مخصوص ہدایات کے تحت کیا تھا۔

ڈی جی پی رام چندر راؤ رانیا کے سوتیلے والد ہیں جنہیں سونے کی اسمگلنگ کیس پر زبردست شور شرابے کے درمیان جبری رخصت پر بھیج دیا گیا تھا۔