لیورپول ایک ایسا شہر ہے جو تاریخ، فن، ثقافت اور خوبصورتی کا امتزاج ہے، اگر آپ یہاں جانے کا ارادہ رکھتے ہیں تو یہ 4 مقامات آپ کی لسٹ میں ضرور شامل ہونے چاہییں۔

1- سینٹ جارج ہال

لیورپول کا دل کہلانے والا یہ شاندار ہال 1854 میں تعمیر کیا گیا تھا۔ یہ نہ صرف ایک تاریخی عمارت ہے بلکہ شہر کے ثقافتی ایونٹس کا بھی ایک اہم مرکز ہے۔

یہاں موسیقی کے کنسرٹس، نمائشیں، اور دیگر تقاریب منعقد کی جاتی ہیں۔ اس ہال کا شاندار نیوکلاسیکل ڈیزائن اور خوبصورت انٹیریئر دیکھنے والوں کو حیران کر دیتا ہے۔

اگر آپ تاریخ اور آرکیٹیکچر کے دیوانے ہیں، تو سینٹ جارج ہال آپ کو مایوس نہیں کرے گا۔

2- کروکسیتھ ہال

لیورپول کے پرانے وقتوں کی جھلک دیکھنی ہو تو کروکسیتھ ہال بہترین جگہ ہے۔ یہ شاندار حویلی 16ویں صدی میں بنائی گئی اور یہاں ایڈورڈین دور کے روایتی طرزِ زندگی کو محفوظ رکھا گیا ہے۔

کونسا یورپی ملک رہائش اختیار کرنیوالوں کو پیسے دیتا ہے؟

اس منصوبے کے تحت وہاں بسنے والوں کو 80 ہزار یورو معاوضہ دیا جائے گا

یہاں موجود تاریخی کمروں میں جا کر آپ کو ایسا محسوس ہوگا جیسے آپ وقت میں پیچھے چلے گئے ہوں۔

اس کے ساتھ ساتھ یہاں ایک شاندار باغ اور ایک فارم بھی ہے، جہاں بچوں اور فیملیز کے لیے بہت کچھ دیکھنے کو ملتا ہے۔

3- لیورپول کیتھیڈرل

یورپ کے سب سے بڑے گرجا گھروں میں سے ایک، لیورپول کیتھیڈرل، نہ صرف اپنی عبادات کے لیے مشہور ہے بلکہ اپنی شاندار تعمیر کی وجہ سے بھی سیاحوں کو اپنی طرف کھینچتا ہے۔

یہاں کا خوبصورت آرکیٹیکچر، بلند و بالا مینار، اور روحانی سکون دینے والی فضا ہر آنے والے کو متاثر کرتی ہے۔ خاص طور پر اگر آپ اوپر جائیں، تو پورے شہر کا شاندار نظارہ دیکھنے کو ملے گا۔

4- واکر آرٹ گیلری

اگر آپ آرٹ کے شوقین ہیں، تو واکر آرٹ گیلری آپ کے لیے جنت سے کم نہیں، یہاں 13ویں صدی سے لے کر جدید دور کے مشہور فنکاروں کے شاہکار موجود ہیں۔

پیٹرا سے بحیرہ مردار تک، اردن جانے کی 7 حیرت انگیز وجوہات

اسکرین گریبکیا آپ نے کبھی کسی ایسی جگہ کا خواب دیکھا ہے جو قدیم تاریخ، دلکش مناظر...

یہاں ریمبرینٹ، مونیٹ، اور دیگر معروف مصوروں کی پینٹنگز موجود ہیں۔ یہ گیلری نہ صرف دیکھنے میں شاندار ہے بلکہ آپ کو فن اور تاریخ کے بارے میں بھی بہت کچھ سیکھنے کا موقع دیتی ہے۔

یہاں داخلہ مفت ہے، تو اگر آپ لیورپول میں ہیں، تو اس گیلری کو چھوڑنا ایک بڑی غلطی ہوگی۔