معروف فلمسٹار گووندا اور سنیتا آہوجا کی طلاق کی خبریں کچھ ماہ پہلے گرم رہیں لیکن پھر سنیتا آہوجا نے خود ہی میڈیا پر آکر بتادیا کہ ایسا کچھ نہیں ہے اور طلاق کے حوالے سے پھیلائی جانے والی خبریں غلط ہیں جس سے گووندا کے چاہنے والوں کو سکون مل گیا۔

اب حال ہی میں ان افواہوں نے پھر سے زور پکڑ لیا ہے، بالی وڈ اسٹار گوندا کی اہلیہ، سنیتا آہوجا، جمعرات کی شام ممبئی میں ہونے والی ایک ایوارڈ تقریب میں نہایت دلکش انداز میں جلوہ گر ہوئیں۔

ان کے ساتھ ان کے بیٹے یشوردھن آہوجا بھی موجود تھے اور دونوں نے کیمروں کے لیے پوز دیے لیکن گوندا اس تقریب میں نظر نہیں آئے۔

گووندا اور سنیتا آہوجا کی 37 سالہ شادی طلاق کے دہانے پر

جوڑے کی طلاق کے معاملات آخری مرحلے میں ہونے کی افواہیں زیرِ گردش ہیں۔

ان کی غیر موجودگی نے سب کی توجہ اپنی طرف مبذول کرائی اور میڈیا کے نمائندوں نے اس حوالے سے سنیتا سے سوالات بھی کیے۔

گزشتہ چند مہینوں میں گوندا اور سنیتا کی ازدواجی زندگی میں کشیدگی کی خبریں گردش کر رہی ہیں، ان کی علیحدگی اور طلاق کی افواہیں اُس وقت زور پکڑ گئیں جب سنیتا کے وکیل نے تصدیق کی کہ جوڑا علیحدگی پر غور کررہا ہے۔

خود سنیتا نے بھی ایک انٹرویو میں عندیہ دیا تھا کہ وہ دونوں الگ الگ رہ رہے ہیں، اگرچہ بعد میں انہوں نے وضاحت کی کہ ان کے بیان کا مطلب کچھ اور تھا۔

گوندا کی غیرموجودگی پر سنیتا کا ردِ عمل

تقریب میں، سنیتا آہوجا اور ان کے بیٹے یشوردھن میڈیا سے کافی خوشگوار انداز میں ملے، ریڈ کارپٹ پر فوٹو سیشن کے دوران ایک فوٹوگرافر نے سوال کیا کہ گوندا سر کہاں ہیں؟ سنیتا یہ سن کر چونک گئیں اور "واٹ" کہہ کر حیرت ظاہر کی لیکن فوراً ہی ہنستے ہوئے اس لمحے کو نظرانداز کر دیا۔

سنیتا آہوجا کی ‘فیبولس لائیوز ورسز بالی وڈ وائفز' میں شمولیت کا امکان

گووندا کی اہلیہ کی شو میں شمولیت کی قیاس آرائیاں زور پکڑ گئیں

جب ایک اور فوٹوگرافر نے کہا کہ گوندا شاید دیر سے آئیں گے، تو سنیتا نے ہنستے ہوئے جواب دیا کہ 'جی، آخر میں لیکن سب سے خاص'۔

جب وہ اپنے بیٹے کے ساتھ اندر جا رہی تھیں تو ایک اور رپورٹر نے کہا کہ وہ گوندا کو یاد کر رہے ہیں، اس پر سنیتا مسکراتے ہوئے بولیں کہ 'ہم لوگ بھی کر رہے ہیں'۔

گوندا اور سنیتا کی شادی کی کہانی

گوندا اور سنیتا نے مارچ 1987 میں شادی کی تھی لیکن انہوں نے اپنی شادی کا اعلان اس وقت تک نہیں کیا جب تک ان کی بیٹی ٹینا 1988 میں پیدا نہیں ہوئی، بعد میں 1997 میں ان کے بیٹے یشوردھن کی پیدائش ہوئی۔