بھارت کے معروف اور ہر دلعزیز کامیڈین کپل شرما کی  جسمانی تبدیلی نے ان کے مداحوں کو حیرت میں ڈال دیا تھا کہ اداکار کو آخر ہوکیا گیا ہے؟

ان کی غیر معمولی فٹنس اور نمایاں طور پر کم ہوتا ہوا وزن دیکھ کر شائقین نے سوشل میڈیا پر سوالات اٹھانا شروع کر دیے تھے کہ آخر کپل شرما نے اتنی جلدی اتنا وزن کیسے کم کر لیا۔

اگرچہ کپل شرما ماضی میں بھی اپنی صحت اور فٹنس کا خیال رکھتے رہے ہیں، تاہم اس بار ان کی اسمارٹ اور متناسب شخصیت نے سب کو چونکا دیا تھا۔

حال ہی میں ان کی ممبئی ایئرپورٹ پر لی گئی ویڈیو وائرل ہوئی تھی  جس میں ان کی تبدیل شدہ شخصیت دیکھ کر پرستاروں نے حیرانی اور کچھ نے تشویش کا اظہار بھی کیا۔

بھارتی میڈیا رپورٹس کے مطابق کپل شرما نے اپنی فٹنس پر خاص توجہ دینا اس وقت شروع کی جب وہ اداکار اکشے کمار کی صحت مند طرز زندگی سے متاثر ہوئے۔

کپل شرما کے وزن میں اچانک کمی کی وجہ کیا؟

کپل شرما بھارت کے معروف کامیڈین اور ٹی وی شو ہوسٹ ہیں

 انہوں نے نہ صرف روزانہ صبح سویرے جم جانا معمول بنایا بلکہ کک باکسنگ کی باقاعدہ تربیت بھی شروع کی۔

 بتایا جاتا ہے کہ فروری سے وہ سخت ٹریننگ لے رہے ہیں اور روزانہ دو گھنٹے جم میں ورزش کرتے ہیں۔

ایک پوڈکاسٹ کے دوران کپل شرما کے فٹنس ٹرینر یوگیش بھٹیجا نے ان کی جسمانی تبدیلی کے سفر سے متعلق اہم انکشافات کیے۔

 یوگیش نے بتایا کہ انہوں نے کپل کے لیے خصوصی ‘21-21-21 ڈیز فارمولہ‘ استعمال کیا، جس کا مقصد جسم کی چربی کو مؤثر طریقے سے کم کرنا تھا۔ تاہم، 2015 میں فلم ’کس کس کو پیار کروں‘ کے دوران وقت کی قلت کے باعث ٹریننگ کے لیے وقت نکالنا ایک چیلنج تھا۔

مکیش کھنہ سلام نہ کرنے پر کپل شرما سے خفا ہوگئے

مکیش کھنہ اپنے مشہور کردار شکتی مان کے لیے جانے جاتے ہیں

یوگیش کے مطابق انہوں نے اس بات کو یقینی بنایا کہ ورزش کے دوران کپل کی مکمل توجہ صرف ٹریننگ پر مرکوز رہے۔  یہاں تک کہ ورزش کے دوران کپل کا موبائل فون بھی ان سے دور رکھا جاتا تھا تاکہ وہ اپنی فٹنس پر بھرپور توجہ دے سکیں۔

انہوں نے مزید کہا کہ 2015 میں جب فلم ’کس کس کو پیار کروں‘ ریلیز ہوئی تو ناظرین کپل شرما کی دبلی پتلی شخصیت دیکھ کر حیران رہ گئے تھے، اور اب حالیہ تبدیلی بھی اسی سفر کا تسلسل ہے۔