پاکستان

نئے اسلامی سال کا آغاز کب ہوگا؟ محکمہ موسمیات کی پیشگوئی

Web Desk

2 years ago

نئے اسلامی سال کا آغاز کب ہوگا؟ محکمہ موسمیات کی پیشگوئی

محکمۂ موسمیات نے اسلامی کلینڈر کے پہلے مہینے محرم کا چاند 18 جولائی 29 ذی الحج کو نظر آنے کا قوی امکان ظاہر کردیا ہے۔

محکمہ موسمیات کی جانب سے کی جانے والی اس پیشن گوئی کی روشنی میں یکم محرم 19 جولائی بروزبدھکو جبکہ عاشورہ 28 جولائی بروز جمعہ کو ہونے کا امکان ہے۔

موسم کا حال بتانے والے ادارے کے مطابق چاند کی پیدائش 17 جولائی کی رات 11 بج کر 32 منٹ پر ہوگی، تاہم چاند نظر آنے کے دوران ملک کے بیشتر حصوں میں بادل چھائے رہنے کا امکان ہے۔

ان کا کہنا ہے کہ چاند نظر آنے کے لئے 19 گھنٹے کی عمر ضروری ہے جبکہ اس دن چاند کی عمر بیس گھنٹے سے زائد ہو گی، محرم الحرام کے چاند کی رویت کے حوالے سے حتمی اعلان رویت ہلال کمیٹی کرے گی۔