بھارتی ہردلعزیز اداکارہ کرینہ کپور اور معروف اداکارہ بپاشا باسو کے درمیان ماضی میں ایک ایسی لڑائی ہوئی جس کے بعد دونوں نے کبھی بھی ایک ساتھ کام نہیں کیا۔

بیبو کی عرفیت سے مشہور اداکارہ کرینہ کپور اور بپاشا باسو نے 2001 میں ریلیز ہونے والی فلم ’اجنبی‘ میں ایک ساتھ کام کیا تھا۔

بھارتی میڈیا رپورٹس کے مطابق اس فلم کے سیٹ پر بپاشا اور کرینہ میں لباس اور اس کے ڈیزائنر کے معاملے پر شدید لڑائی ہوگئی تھی جس کے متعلق دونوں نے ایک انٹرویو میں بھی بات کی۔

ایک رپورٹ کے مطابق کرینہ کے ڈریس ڈیزائنر نے بپاشا کی تھوڑی مدد کردی تھی جو کرینہ کو  کافی ناگوار گزری۔

بتایا جاتا ہے کہ کرینہ کپور نے غصے کے عالم میں بپاشا کو ’کالی بلی‘ بھی کہہ دیا تھا اور بات بگڑتے بگڑتے یہاں تک آپہنچی کہ کرینہ نے بپاشا کو تھپڑ رسید کردیا تھا۔

اس واقعہ کے رونما ہونے کے بعد بپاشا باسو نے فلم فئیر کو دیے گئے اپنے ایک انٹرویو میں کرینہ سے اپنی لڑائی کے متعلق بتاتے ہوئے کہا تھا کہ ’کرینہ نے معمولی سی بات کو زبردستی بڑھا دیا تھا جو کہ ایک بچکانی حرکت تھی۔‘

بپاشا باسو اور کرن سنگھ گروور کی ویڈیو کے چرچے

میری کل کائنات میری فیملی۔۔

بپاشا نے اسی انٹرویو میں یہ بھی کہا تھا کہ ’وہ آئندہ کبھی بھی کرینہ کپور کے ساتھ کوئی کام نہیں کریں گی۔‘

دوسری جانب اس لڑائی کے بارے میں 2002 کرینہ کپور نے فلم فئیر کو دیے ایک انٹرویو میں کہا تھا کہ ’بپاشا نے یہ سب کر کے مقبولیت حاصل کرنی چاہی تھی۔‘

کرینہ کپور کا ’ہیرو‘ کون ؟ تصویر جاری

بھارتی معروف اداکارہ کرینہ کپور نے اپنے ’ہیرو‘ کے ہمراہ تصویر جاری کر کے مداحوں...

بالی وڈ حسیناؤں کی یہ لڑائی 7 سال چلنے کے بعد 2008 میں ختم ہوئی، کہ جب کرینہ کپور نے اپنے شوہر و بھارتی اداکار سیف علی خان کی سالگرہ کی تقریب میں بپاشا کو بھی مدعو کیا تھا۔

بعد ازاں فلم فئیر 2014 کی تقریب کی بھی ایک تصویر بہت زیادہ وائرل ہوئی  جس میں کرینہ کپور اور بپاشا ایک دوسرے سے گلے ملتے دکھائی دے رہی ہیں۔