تمل سنیما میں رجنی کانت ، کمل ہاسن، اجیت کمار اور سوریا جیسے ستارے عموماً سب سے بڑے ناموں میں شمار کیے جاتے ہیں لیکن کولی وڈ کا سب سے امیر اداکار ان میں سے کوئی نہیں ہے۔

 ایک اور شخص نے خاموشی سے بلاک بسٹر فلموں اور دیگر منصوبوں کے ذریعے زبردست دولت اکٹھی کی ہے۔

فوربز نے 2025 میں سب سے زیادہ کمائی کرنے والے بھارتی اداکاروں کی فہرست جاری کی اور یہ انکشاف کیا کہ دولت کے لحاظ سے تھالاپتی وجے سب سے اوپر ہیں۔

 ان کی نیٹ ورتھ 474 کروڑ روپے ہے، وہ نہ صرف تمل سینما کے سب سے امیر اداکار ہیں بلکہ بھارت میں دوسرے سب سے زیادہ تنخواہ پانے والے اداکار بھی ہیں۔

تھلاپتی وجے کے بعد رجنی کانت کا نمبر آتا ہے جو جنوبی بھارت کے سب سے زیادہ تنخواہ پانے والے اداکاروں میں سے ایک ہیں انکی نیٹ ورتھ 430 کروڑ روپے ہے۔ ان کی زبردست شہرت اور مقبولیت انہیں مضبوط باکس آفس کلیکشنز فراہم کرتی ہے۔

اداکار سوریا کی نیٹ ورتھ 350 کروڑ روپے ہے، ان کے اثاثوں میں چنائی اور ممبئی میں لگژری جائیدادیں اور ہائی اینڈ گاڑیاں شامل ہیں۔ ان کی بڑھتی ہوئی پروڈکشن منصوبوں کے ساتھ، ان کی دولت مزید بڑھنے کی توقع ہے۔

اجیت کمار کی نیٹ ورتھ 196 کروڑ روپے ہے، ان کی فلمیں، جیسے تھونیو اور ویدا موچی، تجارتی طور پر کامیاب رہی ہیں، جس سے وہ تمل سینما کے سب سے زیادہ تنخواہ پانے والے اداکاروں میں شامل ہیں۔

دنیا کا سب سے امیر ترین موسیقار کون ؟

موسیقار کی دولت کا تخمینہ ڈھائی ارب ڈالر لگایا گیا ہے

اگرچہ کمل ہاسن ایک لیجنڈری شخصیت ہیں، وہ اس فہرست میں سب سے اوپر نہیں پہنچ پائے۔ ان کی نیٹ ورتھ 150 کروڑ روپے ہے۔ حالانکہ کچھ عرصے سے  ان کی کوئی فلم ریلیز نہیں ہوئی، ان کے مداح ان کی اگلی بڑی پروجیکٹ کے منتظر ہیں جو کہ مانی رتنم کے ساتھ ’ٹھگ لائف کے عنوان سے ہوگا۔